Les fidèles du Boukornine

samedi 5 juillet 2008

التوبة المضروبة


كل يوم يصبح تقول هذا نهاري. هذا يوم الرجوع. هذا موعدي مع جامع حومتنا. يزيني ما بت من غير ما نسجد للي خلقني وبدعني. أيام وشهور قاعدة تمشي هباء وأنا بعيد على ربي وكل يوم تبخل وتقول خلي غدوة وكل صلاة جمعة تبدى خانس وحدك في الدار والأذان يذن ويعاود كأنو يحكي معاك انتي بالذات ويقولك إيجى إركع مع الراكعين ويزيك من النوم. وقداش من مرة يكون جوابك بالرفض. وتخير على صلاتك مرة ركشة مع لولاد في القهوة ومرة فيلم ومرة نومة. المهم كل شيء قابل باش يلهيك ويبعدك على الثنية.
حتى النهار إلي تعمل فيه قليب وتقول من توة نبدأ وتقصد ربي تتوضى وتصلي وتكمل نهارك في ظروف روحانية هائلة. من غدوة تعاود تتلهى بنفس الحكايات الفارغة وتعاود وهكذا دواليك.
وقتاش زعمة التوبة الصحيحة؟ بعد "الروتريت" كان عشنا ؟ علاش عندك ضمان إلي باش توصلوا التقاعد؟ راهي مرهونة في شعرة وتجي مفروش تحت التراب.
في بالي... والله في بالي. أما الله غالب ظروف. ربي يهدينا وأكهو.

2 commentaires:

StartUp.Tunisie a dit…

Inchammah rabi y sa7lik

Khalil a dit…

amine ya rabbi