Les fidèles du Boukornine

mercredi 30 juillet 2008

ويذكرون الله كثيراً


الشعب التونسي شعب معروف بتقواه وتقول الأسطورة أنه زار بلادنا أخ مسافر من بلد شقيق فأول ما لاحظه على أبنائنا ذكر الله. فقال أنه أهل تونس، أناس اطمأنت قلوبهم بذكر الله ألا بذكر الله تطمئن القلوب.
كيف لا ونحن أول شعب يصدر الكفر في الطريق العام.
من وجوه الصباح حتى إلى عقاب الليل والناس ما يرتاحوش من الكفر.
وراء كل كلمة جذر (ر.ب) قالوا شنوا تزين الكلام وتعطيه وهرة ورونق خاصين جداً.
خلينا نتسأل شنوا إلي يخلي مخلوق يدور ويسب بالفم المليان الكائن إلي خلقو؟
باش يبرهن على شجاعتو وقدراتو تقول انتي ؟
"تري تري بيان" ريقل أمورك سب حتى للصباح كان يساعدك المهم يا خويا سب في قلبك والا سب في داركم وما تسطوش على حريتي أنا باش نسمع كلام نقي وأنا قاصص الطريق نحو وجهة مجهولة.
أيا سلم على داركم وراني نعرفك ولد عائلة وما يخرجش عليك الشيء
هذا !

5 commentaires:

عياش مالمرسى a dit…

ياسر حلوّة حريتك في سمعان كلام نقي.. انتي ما فهمتش كي واحد يقول "رب كذا ولاّ كذا" ماهوش يقصد في "الله" خالق الكون، أما من خلال إسناد رب لحاجة أو جسم ما عندوش معنى كبير يورّي سذاجة المفهوم الإلاهي و يهرب منو (على الأقل يتصور أنو يهرب منو)

3amrouch a dit…

ديما يبدع ولد الصفصاف في تعاليقو
انا الي نشوف "يكفر" في ربي قدامي نشد نعطيه "وحدات"
اخر الطب الكي ياصديق
الي يبوجي اعطيه على راسو ههههههه

Unknown a dit…

houa a7na ne9sine w kammal wallina nesm3ou fil bnet y9oulou fil klem hetha
hethaka houa chabab el mosta9bel el zahir

Khalil a dit…

-----> Ayech mel marsa
خويا ولد المرسى مرحبا بيك عجبني ياسر تصورك الفلسفي للكفر. وماذا لو كان تزيد تفسرلي خاطر مازلت ما إستوعبتش :)

Khalil a dit…

----> 3amrouch
يا عمروش قداش بش تضرب؟ :)
زعمة حل تقول انتي ؟ :))
----> Mrabet
Ahline w sahline,
3ad ken wallew el bnet yakfrou 3lina khetmet...
rabbi yba99i 3Lina essetr..