Les fidèles du Boukornine

mardi 22 juillet 2008

اللهجات التونسية البعض في إزدهار والباقي في طريقه نحو الإندثار

في تونس عندنا لهجات في غاية من الجمال. وفي الحقيقة كل لهجة ونكهتها.
منذ الإستقلال وتوخي سياسة تركيز كل المرافق والخدمات في العاصمة إلي دفع بالملايين إلى النزوح لتونس الكبرى حيث فرص الشغل ووسائل الترفيه وطريقة عيش مختلفة تماماً مع ما هو مألوف في بقية الجهات. إذن منذ تلك الفترة ونحن نشهد طغيان لهجة على بقية اللهجات، ألا وهي لهجة العاصمة أو لغة البلدية بما فيها من حلة وركاكة وما ننكرش زادة برشة فيانة.
من النتائج السلبية لهذه الظاهرة توجه عدد لا يستهان به من اللهجات نحو الإندثا كيما اللغة البربرية إلي ما بقاو يحكيو بها كان كعبتين في كامل تراب الجمهورية منهم واحد مات البارح حسب آخر الأخبار.
في قفص الإتهام حسب رأيي وسائل الإعلام السمعي والبصري إذ ساهموا بقسط كبير في ترسيخ الفكرة متاع أفضلية كلام العاصمة على بقية الكلام باحتكاره تلك اللهجة في تقديمه لمختلف برامجه.
إلى جانب إستعمال عدد كبير من الفكاهيين للهجة الريفية لإقتلاع ضحكة رخيصة مبتذلة من فم مواطن بطبيعتو قالق وسخانة وماك تعرف. والغريب في الأمر أن نسبة كبيرة من هؤلاء المضحكين من أصل ريفي. ومن باب الطرفة، سؤال سألته بنت صغيرة السن أصيلة مدينة مجاز الباب لأبيها قائلةً:"بابا علاش يضحكو علينا كي نتكلمو؟ ياخي لهجتنا تضحك؟"
لا يا للا ! لهجتكم ما تضحكش! لهجتكم تاج روسكم وروسنا أحنا زادة أما الله غالب الجهل مصيبة.
ومما يحز في النفس هو أنه في هذه اللهجات وتعددها ثراء تراثنا الشعبي وجوهر هويتنا الوطنية.
تقول انتي شنوا الحل ؟ (والله عرفتكم باش تقولولي هكا. يا خويا آش تموتوا على المشاكل :))
يا سيدي الحل واضح وجلي وموش كيما تسخايبو انتوما بجمع كل اللهجات المهددة بالإنقراض في محمية والوقوف مهللين مكبرين بانتصارنا على غدر الزمان وإنما من واجبنا أن نقحم هذه اللهجات في اذاعاتنا وتلافيزنا حتى نعيد الثقة لكل الجهات بأن كل منطقة تختص بلهجة هي فخرها واعتزازها ومن العيب أن نساهم كلنا في اهدارها.

13 commentaires:

WALLADA a dit…

لهجة البلديّة يا سي خليل راهي ما في هاش حلـَّة و ركاكة رغم إنّي ما نتكلـِّمهاش أما نتفكـِّر ممَّاتي و عمّاتي يتكلـّمُوها . و موش صحيح إنها هي الطاغية ، بالعكس لو كان نجرِّب و ننطقها في الشارع و إلاَّ في خدمتي أتوَّة تقوم عليَّ التصفيقة و يقولولي من أنا متحف خرجت ؟ على كلّ الكلهم لهجات بلادنا و يعزُّو علينا و ما فمّة حتى داعي باش نتهكـّمو على هذه و لا الأخرى و نذكـّرك إلِّي عبد القادر مقداد و لمين النّهدي و غيرهم هوما أوّل ناس تمسخروا على اللهجة البدويّة و أنتِ تعرف هوما منين ، و باش نِـختِم نقلِّك إلِّي التوانسة الكلّ مـجمعَة على حبّ أغاني الرَّائعة صليحة الِّي أكثرها بالبدوي

Khalil a dit…

يا ولادة إلي نقصد بيه بلهجة البلدية هي اللهجة متاع العاصمة بما فيها إستعمال القاف وفيها حسب ظني رخفة مقارنةً بلهجات أخرى من دواخل البلاد.
كانك على لهجة البلدية حتى أنا الوالدة ربي يفضلها مازالت تحكي بيها لتوة. إذن يظهرلي مانيش باش نتهكم على روحي هكا ولا لا ؟
متفاهمين في ما يخص الفكاهيين هذوكم :)
هما يضروا في رواحهم وعاملين من الحكاية "فون د كومرس" متاع الضحك.
مرحبا بيك يا ولادة، توحشناك !
يا ولادة إلي نقصد بيه بلهجة البلدية هي اللهجة متاع العاصمة بما فيها إستعمال القاف وفيها حسب ظني رخفة مقارنةً بلهجات أخرى من دواخل البلاد.
كانك على لهجة البلدية حتى أنا الوالدة ربي يفضلها مازالت تحكي بيها لتوة. إذن يظهرلي مانيش باش نتهكم على روحي هكا ولا لا ؟
متفاهمين في ما يخص الفكاهيين هذوكم :)
هما يضروا في رواحهم وعاملين من الحكاية "فون د كومرس" متاع الضحك.
مرحبا بيك يا ولادة، توحشناك !

Mourad a dit…

Khalil tes intentions sont louables, mais on ne peut vider l'océan avec une petite cuillère. Le problème de la moquerie de certains accents n'est pas que tunisien, et on voit ça dans plusieurs pays parmi lesquels la France donneuse de leçons. Je suis sûr que tu fais bien d'en parler mais sauras-tu convaincre les personnes les plus touchées par ce fléau comme les gosses de riche qui utilisent certains accents pour faire rire leurs amis (encore plus gosses de riches qu'eux) pour se faire bien voir. Ils tourneront ça en dérision et quand tu les quitteras c'est toi qu'ils tourneront en dérision. Je crois que plutôt que dire que ce problème
n'est autre que le fait des médias de notre pays tu ferais aussi bien de parler de l'importance de l'éducation qui je crois est la véritable origine de ce manque de tact et de classe

Hayy a dit…

البربرية لغة قائمة الذات و ما هياش لهجة من لهجاتنا كيما كتبت انتي

Al-Hallège a dit…

المشكل هو انو حتى في الإنتداب و العمل اللي يتكلم بالبلدي و القالة له فرصة للنجاح أكثر وإللي يتكلم اللهجة البدوية التي أعتقد انها أقرب للعربية يلقى العديد من الحواجز المهنية كما انه على مستوى العائلة نجد الكثير من الضغوط باش نتخلى عاللهجة متاعنا على أساس ان هذه اللهجة مجلبة للسخرية ...انا متمسك بلهجتي الريفية و الكافيةمنذ 30 سنة رغم المعارضة العائلية لأن زوجتي أصيلة العاصمة و الله يكون في عوني و السبب هم المسرحيون المهزلة و قاذوراتهم المسرحية التي جعلت اللهجة الريفية في تراجع

Khalil a dit…

---->Mourad
Même si ça ne change pas grand chose au moins on aura eu le mérite d'avoir essayé.
---->hay:
كلامك صحيح يا الحي !
أما حبيت ندخلها الحكاية خاطر مثلاً في المغرب والا الجزائر البربر يلقاو في مشاكل كبيرة باش يفرضوا هويتهم حتى على مستوى الدستور على الأقل بالإعتراف بلغتهم كلغة من لغات الدولة.
ولكن هذه موش مشكلتنا توا وتو نصلحها في النص ومشكور على ملاحظتك.

Khalil a dit…

--->Al-Hallège:
يا خويا لهجتكم مزيانة برشة ويعطيك الصحة على نضالك في سبيل الأصالة.. ربي معاك يا خويا وعمرك ما تنسى إلي الشعب كلو زادة معاك!

Tarek a dit…

ماو قالو عاللسان التونسي 'لهجة'؟

إيذا كان لوغة كاملة عملو هكة قتلوها، مابالك لهجات محلية

Marou a dit…

"Charité bien ordonnée commence par sois même"
Comment tu peux à la fois demander le respect des dialectes des diverses régions tunisiennes et à la fois dénigrer celle des Tunisois?
Je rejoins d'ailleurs, Wallada pour dire que le tunisiens parlé dans la capitale n'est pas le Tunisois mais une langue véhiculaire, qui est comprise par la majorité des tunisien sur tout le territoire et c'est pour cela qu'elle est utilisée par exemple à la télé. C'est d'ailleurs le même cas dans tout les pays du monde. D'ailleurs le Tunisois est dénigré à la télé et par les humoriste tout autant que l'est le dialecte villageois et c'est surtout parce que ce sont des populations que l'ont ne prends pas au sérieux. se moquer par exemple du dialecte Sahelien ou Sfaxien à la télé poserait de réels problèmes inter communautaires.

Si non juste une remarque; le berbère est une langue complètement distincte de l'arabe et non un dialecte.

Al-Hallège a dit…

@Khalil:
بارك الله فيك و شكرا..أنا نرى إللي اللهجات التونسية فيها الكثير من الإثراء و التنوع وهي مصدر فخر و اعتزاز و العكس غالط

Khalil a dit…

---->Tarek
يا طارق ماهو دورنا احنا باش نحييو هذه اللهجات وندافع عنها..
---->Marou
Ahla w sahla :)
*D'abord je n'ai pas dénigré l'accent tunisois.. D'ailleurs je suis tunisois de souche... Je n'ai fait que donner mon avis à propos de ce dialecte (avec des mots tels que finesse, accent chantant, une certaine lourdeur)
*Sama7ni se3a, abstraction faite du dialecte des tunisois, dis moi, ne penses-tu pas que le langage utilisé dans nos médias est le langage de la capitale avant d'être "un langage véhiculaire que tout le monde comprend"? Je ne partage pas ton avis ni celui de wallada...
*Je suis d'accord avec toi sur le fait qu'on ne peut dénigrer publiquement que certains dialectes vu que par exemple le tunisois n'est plus très employé de nos jours... et qu'il est, lui aussi je pense, voué à la disparition ce qui est aussi très dommage car c'est une partie intégrante de notre patrimoine.
Mais notre problème ce n'est pas le tunisois, ce que je conteste c'est cette suprématie absolue de la langue de la capitale sur les autres dialectes.
Pourquoi par exemple n'a-t-on pas des émissions où l'on parle à chaque fois un dialecte différent pour essayer de revaloriser chaque accent?
Pourquoi selon toi, une personne qui intervient dans une station de radio ou autre se donne autant de mal pour rentrer dans la masse et parler "comme tout le monde"?

*concernant le berbère, c'est déjà réglé, j'ai même corrigé l'article tout à l'heure. Ce n'était qu'un exemple de langue qui a disparu par le pouvoir de marginalisation des médias..
You are welcome!

----->Al-Hallège
مرحبا بيك يا خويا وموافقك على طول الخط

WALLADA a dit…

يعيّشك يا خليل لا يورِّيك ما يوحشك
هاني ديما نكتب و نعلـِّق

يا خليل ، إذا كان تعدّات الأربعين متاع ممّاتِك اللّه يرحمها ، نحِّيلنا يا خويا علامة الحزن من المدوّنة متاعك
نشا اللّه تقبل ملاحظتي راهي بدافع الصداقة

Khalil a dit…

يا ولادة جمعة من زمان وتتنحى آكل العلامة متa3 الحزن ونشكرك على ملاحظتك ونشكرك أكثر على صداقتك !