Les fidèles du Boukornine

samedi 5 juillet 2008

محمد الأوسط العياري، عالم حومتنا


سبقلي أني نشرت حوار قام به هذا العالم التونسي مع مجلة حقائق وفي المدة الأخيرة كثر الحديث حول الإختراع الجديد إلي قام به وإلي باش يمكن حسب ما قالوا باش نراو بيه الهلال من أي مكان في الأرض بصورة مماثلة لتلك التي نراه بالعين. مانيش باش نركز برشة على هذا الإختراع. من شبه المستحيل أنكم مازلتو ما سمعتوش بيه.
وإنما باش نحكي على شخص محمد الأوسط. سي محمد هذا ولد حومتي. بوه كان الله يرحمه إمام الجمعة متاع جامع حومتنا. جامع بلحاج. تربى في مناخ متاع علم وأخلاق عالية لدرجة أنهم خمسة إخوة حسب ذكرياتي وليوم الكلهم دكاترة تبارك الله. وكان كلهم تقريب يعيشو لبرة إلي في الكندا وإلي في الخليج وإلي في الولايات المتحدة...
عاد كيف يجيو في الصيف، الحومة تنور بوجودهم وكانوا بدرجة من التواضع إلي ما عادش موجودة لا في تونس لا في أي بر آخر. يا سيدي باش تفهموا، كنت أنا وقتها في تعليمي الثانوي وكانو في الحومة قليل ما تلقى شكون عندو باك وإلا قطع في العلم أشواط كبيرة بل أغلبيتهم عملة في معامل منطقة برج السدرية خاصةً. (من غير محقرانية)
وكانوا "ولاد الإمام" ديما يجيو يكورو معانا وكان جوهم حلو برشة، ما يحقرو حد، يعاونوا الزوالي، يواسيو الحزين، والبسمة ديما مرسومة على الفم.
واحد بركة من الأولاد كان يتخلف على هذه الركشات العائلية. بالطبيعة عرفتوه. هو سي "لوسط" وفين ما تسأل عليه يقلولك "عندو برشة خدمة، ماهو يخدم في النازا". والله كان من الصعب تصديق خبر كيما هذا. وكنت ديما شاكك الحقيقة، خاطر باش توصل النازا تجيبلك واحد عربي، كون واثق أنو مستواه خير من عشرة امريكان.
حتى النهار إلي سمعنا وتأكدنا ولوجنا في الأنترنات وظهرت الحكاية بالمجد.
بعد فترة، زارنا عالم الحومة وكنت نستنى في ليموزين باش تهبطوا ولكن شيء. جاء بطريقة عادية، لابس بطريقة عادية وخاصةً يحكي بطريقة عادية مع الجميع بدون مركبات. يدخل يصلي معاك في الجامع يقعد بحذاك في الليل على حرف الكورنيش متاع الحومة. ساهرين جنب لجنب العلماء وإلي عندو باك +2 وإلي التوة أمي ما يعرش يقرأ جريدة. ونحن هكاكة ونوقز تاليفوني وكان وقتها زمان نفحة ألبورتابلوات، هاو يصور، وهاو يقرأ الآم.بي.3... ثم بعد بقليل جاء تالفون لصحيبنا العالم، ياخي ما راعني إلا وهو يخرج في نوكيا 3310!!! يا الله!!!
من وقتها قطعت نهائياً دابر كل شك في ما يخص إنتماؤو إلى تلك المؤسسة العلمية الكبيرة لأنه ثقتي كبيرة في أنو ما فما حتى إنسان يعيش في أمريكا ويروح ب3310 غير العلماء الكبار وما فماش تواضع لهذه الدرجة إلا تواضع العلماء الكبار.
ومن وقتها حتى اليوم و"لوسط" هو القدوة متاعي مش من ناحية العلم فقط وإنما في أخلاقو زادة.
وهذا مثال أيضاً على قيمة الحومة في نسج شخصية الفرد تتعلم من الكبير وتلقن الصغير والناس الكل تتناقش وتاخو وتعطي في كنف تلاقح الثقافات وتبادل الكفاءات. وخسارة في الحوم الجدد كيما المنازه وغيرهم كل واحد شادد داره يخاف من جارو كأنو جاسوس باعثتو الموساد.
بخاطركم.

13 commentaires:

Anonyme a dit…

يعطيك الصحّة على هالموضوع إلى فكيتهولي
آنا قاعدة انخمّم باش نكتب عليه
شفت يا ولدي العضماء الحقيقيين قداش عنده تواضع و أخلاق؟؟؟ العنطزة و التهييب و اش يا ذبانة ما تلقاها كان عند الفارغ ولّي ماعندوش ثيقة في روحو
انت حتى في مثلا رجال التعليم، شوف تصرّفات الأستاذ المعبي و الكبير مع تلامذتو وشوف الأستاذ الفارغ وانسج على هالمنوال في الميادين الكل
شكرا على التدوينة والحكمة

آش كان عليه a dit…

أحنا زعام كان في التقوعير.العراء و الفرعنة.المثل يقول عريان الزك و في صبعو خاتم و إلا مخنوق و ياكل في الحلوى.

Khalil a dit…

مرحبا بيكم،
هذا حال الدنيا. إلي عندو في مخو ما يستحقش للقش باش يوري قيمتو للناس.
ياهناني انشالله معرفة طيبة.
ويا آش كان عليه بربي الناس مخلطة... على كل "بيانفوني"

Anonyme a dit…

تفرجت مؤخرا في برنامج تونسي يحكي علي العالم محمد الاوسط العياري وماكنتش مصدقة اللى نسمع ونرى فيه في البرنامج كشف على الاختراع الجديد اللى لاول مرة يقول عليه وهو تليسكوب له مزايا العين المجردة يساعد على رؤية الهلال ويصادق على الرؤية هذى من جميع انحاء العالم طبعا لو وزع التيلسكوب على جميع المناطق ...تصوّرو انو اختراع كيف من هذا كان نتاج كيف ما سماها العالم اهتمامات فنيّة وملىء لوقت الفراغ :)) وتصورو اختراع كيف من هذا قداش باش يوحد العالم الالاسلامي اللى كل شهر رمضان يشقى ويتعب في رؤية الهلال فيصوم زايد او ناقص نهار وكل بلاد كيفاش تعمل ...شكرا على الموضوع واعتذر عن الاطالة اما كان ماذابية العالم التونسي يجد مكانا ارحب في مؤسسة الاذاعة والتلفزة خلى النشىء يتعلم منو ويكونلو مثال

Khalil a dit…

ارابيكا نورتنا بحضورك وبإضافتك.
شفت ماهو أنا خوك مازلت في وقت فراغي نلعب كرة قدم والسيد في وقت فراغو يعمل إختراع عبقري :)
كل واحد نظرتو للحياة.
أما في علمي أنهم رغم هذا الإختراع تنجم الرؤية تختلف من بلاد لبلاد أخرى. وتونس في الحكاية هذه معروفة من أول الزمان تمشي بالحساب. لا رؤية ولا والو.

Anonyme a dit…

Bonsoir Cyclamen!


permettez moi d'ajouter à cela, les quelques commentaires que j'avais déjà postés , il y a tout juste une année (Juillet 2007)suite à une note de "Marsoise"

1er commentaire:
" A propos de médiocrité de l'enseignement dispensé dans nos Universités : si tel était le cas, comment expliquer alors que quelqu'un comme Mohamed El Awssat EL AYARI tunisien diplômé de L'ENIG ( Ecole Nationale des Ingénieurs de Gabès) ait pu contribuer d'une manière determinante au succès de la dernière mission d'exploration de la planète Mars!!!!!!

2ème commentaire:
à anonyme n°x :
donnes moi tout d'abord tes coordonnées , je te donnerai les informations que tu cherches, concernant Mr Mohamed El AWSSAT EL AYARI, qui honnore non seulement sa famille gabesienne et tous les tunisiens fiers de l'être!

QUI CHERCHE TROUVE !


"3ème commentaire adressé à un certain "metaadi":
cher Mataadi!
je ne pense pas que ceux qui sont partis "améliorer" leur savoir et rendre service à toute l'humanité ,méritent d'être denigrés par leurs compatriotes!!

Il faut rappeler que beaucoup de nos Chercheurs établis en Tunisie meritent des éloges et pourquoi pas un Prix Nobel !!! Que dites vous de Mme le Professeur ZOHRA LAKHDHAR AKROUT (Physique) , Mme le Professeur HABIBA BOUHAMED CHAABOUNI ( Medecine - GENETIQUE), MMr ABBES BAHRI et bien d'autres qui continuent de dispenser leur savoir et de former nos jeunes etudiants !!!!

dernier commentaire sur
Marsoise blogspot.com
@ anonyme n°x :
Le savant Mohamed El Awssat AYARI dont je parlais plus haut, est chercheur directeur conseiller au departement de l'aérospatiale à la Nasa, dans l'état du Colorado!

J'aimerai aussi t'informer à titre d'exemple, que le jeune Professeur Moez Limaiem diplômé de l'Institut Supérieur de Gestion de Tunis a occupé en un temps très court les fonctions de Chef de Departement à l'Université du Quebec, a enseigné à Hong Kong, a occupé le poste de Directeur de Master à HEC à Lausanne et chef de departement à l'Université du Texas!!!

près de 5000 tunisiens , diplômés des Universités tunisiennes,hautement qualifiés, resident à l'etranger et exercent dans divers domaines de compétences !!!

Un dicton français :"Celui qui veut peut"
à bon entendeur salut!



Vous pourrez ,bien sûr, consulter tous les commentaires sur "marsoise blogspot.com O7/2007

Zahraten ancienne Radesienne , entre autres!

Khalil a dit…

Ya3tik essa7a Zahraten et bienvenue chez toi,
Concernant l'enseignement en Tunisie, je pense que les exemples que tu as cité ne sont nullement à généraliser. En effet, concernant l'enseignement de la médecine en Tunisie par exemple, fini le temps où ce sont les professeurs et professeurs agrégés qui venaient dispenser les cours. De nos jours ce sont de jeunes assistants qui viennent trainer leurs lots d'incertitudes et avec leur voix tremblante.
Mais il est vrai que les diplômes tunisiens sont pour une grande partie mondialement reconnus.
A propos de "Lawcet" Ayari, il faut savoir aussi qu'il a terminé ses études au Canada si mes souvenirs sont bons.

Anonyme a dit…

Mohamed Lawcet El Ayari et sa famille ne sont pas de Gabes mais de Kairouen.

Khalil a dit…

Oui monsieur l'anonyme mais il a étudié à l'ENIG (l'Ecole Nationale d'Ingénieurs de Gabés)

Anonyme a dit…

@ anonyme

que Mohamed lawcet el Ayari soit de Gabès ou de Kairouan ou de Thala il est surtout TUNISIEN..

Anonyme a dit…

Bonjour,


JE veux precise une chose Monsieu el ayari est diplome de l'ENIT (genie civil) et pas ENIG

comme moi d'ailleur

touaiti mokhtar a dit…

الله يوفق الدكتور العالم التونسيفي كل ميادين العلم والمعرفة وإنشاء الله أغلب التوانسة يوفروا له فرصة قيادة تونس في المرحلة القادمة تونس في حاجة ان يرأسها عالما

Anonyme a dit…

J'espère qu'il sera un jour Président de la Tunisie.
Pour rappeller à certains que Dr AYARI est originaire de KAIROUAN... :)