Les fidèles du Boukornine

samedi 19 juillet 2008

إعلان حرب على جميع الشلايك



في تونس، جرب أعمل مشروع وإلا إكتب حاجة مفيدة وإلا حاول تحسن الوضعية.
أول ما يجيك، هوما الشلايك.
برشة ناس تتساءل، شكون الشلايك ؟ وشنوا الهدف متاعهم في الحياة؟
الشلايك يا سيدي كائنات حيةكيفي وكيفك ولكن قاتلها القلق وعندها الكابلووات متاع المخ يمسوا في بعضهم وهذا ما يخليهم يبحثوا ديما على نشر الفساد في الأرض وقطع دابر كل مظهر من مظاهر الإصلاح. هذا بقطع النظر
عن إنتماءاتها الإجتماعية أو الجهوية.
من واجب كل تونسي إلي يؤمن بالوطنية أن يحارب هؤلاء النبارة بكل ما أوتي من قوة.
توا ما عنديش برشة طحت بمشطرة في المدونة متاعي يبعث في التعليقات تحت إسم "مجهول" و مرة يسب و مرة يشتم في المعلقين وكأنو الهدف متاعو هو تعكير الجو في المدونة.
و كي قررت نقتلع هذه الكارثة من جذورها ونقوم بصنصرة موجهة لتعليقاتو مشى يجري لمدونات أخرى يسب ويشتم قالوا شنوة هذا مس من حرية التعبير.
الله مصلي على النبي!
ياخي قالق ؟
يا خويا هاو في بالك هذا القانون هنا.
الإحترام ثم الإحترام ولا غير الإحترام.
وإذا كان عندك ما تقول بدون المس من عرض الغير، مرحبا بيك في كل وقت.
وراني خوك "ولد باب السويقة والعوج ما نطيقه" فما بالك العوج إلي يمس مدونتي بالذات.
أيا برا يا مجهول بدل ساعة بساعة أخرى وساعد روحك في الدروج راهم ياما غدروا عباد.

8 commentaires:

thokk a dit…

يعطيك الصحة بردتلي على قلبي خاطر الشلايك من صنف مجهول كثرو هالنهارين و هوما من مدونة الى مدونة

3amrouch a dit…

لا عليك صديقي
كلنا تعدينب بيه لحكاية متع الشلايك والتعليقات االمجهولة
شوية صبر تو يقلقل ويمشي على روحو
ربي معاك
والي تعمل فيه مااسموش صنصرة ولكن مقاومة للبهامة
http://scoubidou1.blogspot.com/2008/04/blog-post_14.html

pink_panther a dit…

en fin de compte, trés marrant ton article:)
j'apprécie vraiment!

Khalil a dit…

---->thokk
شفت يا خويا... هانا ما نسكتولهمش وربي يعينا عليهم :)

Khalil a dit…

---> 3amrouch:
نشكروك على المصطلح الجديد يا عمروش :) مقاومة البهامة... موافقك على طول الخط...
هانا صابرين وآش خير من الصبر ؟

---> Pink:
Ravi que ce post t'ait plu :)
Les chlayek n'ont qu'à bien se tenir j'arrive... :)

kikitou a dit…

il est marrant ce texte et si vrai. tayyara

Khalil a dit…

Sa77a kikitou !
Mar7bé bik!
merci pour tes compliments!

kikitou a dit…

مشيانك حافي ولى تكركير في شلايك
voilà ce que je me dis tout le temps
en d'autres mots mieux vaut être seul que d'être mal accompagné

Tout le plaisir est pour moi khalil