وقف البوقا، وغزر لجبل الضاحية الشمالية وقالوا:
-أنا خير منك قدامي بحر كان قبل أحلى بحر في تونس، يجيوه من كل بر...
-هاك قلتها وحدك يا بوقرنين! قبل... في الماضي البعيد... يا حسرة... طلبت منك حجج موش وقفة طللية... شوف البحر إلي قدامي أنا، بحر المرسى حرام حتى باش نجي نقارنوا ببحر حمام الأنف...
-كان قبل الباي يجي يعدي الشتاء هنا (يداوي في الحمام السوري إلي كانوا معترفين به من عهد الرومان)، عندو هوني قصر تراه لما تدوخ... تي موش وقت الحرب العالمية الثانية الباي أعلن أن مدينة حمام الأنف آمنة وترحب بكل من يبحث عن الأمن والأمان...
-حتى أنا الباي كان يجي يصيف عندي في قصر السعادة... وكي تشوف الحالة إلي فيها قصر حمام الأنف توا ما كاركش حكيت عليه جملة...
-باهي تتذكر زمان
صلاح باي جمعية كرة القدم إلي كانت عندنا ؟ تتذكر هاكل الأبطال إلي كنت نتفرج فيهم يلعبو في الملعب البلدي متاع حمام الأنف وكلي نشوة وإعتزاز... عمرهم ما كانو عندكم ابطال كرة قدم في المرسى... زيد قول لا ؟
- تي يزي يا البوقرنين وانتوما صح عليكم قول من عهد الباي ما هزوا شيء... هاكم عندكم عشرات السنين وانتوما عام عامين تطيحوا بينما المرسى قداش عندها ما طاحتش...
- باهي في المحمية متاعي عندي السيكلمان وإلي ما تلقاه في حتى بلاصة أخرى... تي ناس تجي من وين باش تشم هاكل الريحة الفريدة من نوعها...
-يا بوقرنين وقتاش تفهم إلي في البلاد هاذي الرومانسية والورود والشاعرية ما عادش يوكلو... نحبك تفهم عاد...
- عندي الشالي فير من احلى المطاعم وفيها منظر ليس له مثيل...
- الشالي فير ؟ يا حسرة! ماهم ردوه حانة حالتها حليلة.. كيفها كيف حمام الأنف كلها... توا قبة الهواء هي الكل...
-عندي سيدي بوريقة قلي ما تعرفوش... ما فماش شكون يزور الهمهاما وما يجيش لسيدي بوريقة...
-ما نؤمنش بالأولياء الصالحين... ومن عهد بورقيبة الله يرحمو برشة زوايا كسروهم لأنها فيها مضرة للشعب...
-زايد الكلام معاك انتي صغير وحكايتك فارغة... أما قلي، عندكش ربع الوهرة متاعي؟
-هذه ما نكذبش أنا بيدي نعدي نهاري نغزرلك... تباركالله عليك... أنا الحقيقة كان يخيروني... نرضى نجي في بلاصتك على شرط يعطيوني وهرتك...
-صحيت... الحمدلله... الهمهاما صحيح ماشية وترجع للوراء أما انشالله ديما تلقاني واقف شامخ نعطيها الأمان ونحفظها من العديان...وراني في حياتي موش شوية إلي راتو العين... من رومان ومن حضارات... وأكيد راك تعرف أما عمري ما قدرت نتخلى على أحلى مدينة وأحلى الناس... مدينة حمام الأنف...
أما صحة ليك يا جبل الخاوي! صحة ليك جيت في وقت ما يقدسو فيه كان الخاوي... أما كل شيء يتعدى وماهي إلى حقبة زمنية... ويعمل الله...
6 commentaires:
wa7dék yal "bouga", non m3ak RABBI w sidi bouriga w rjél la7méda ... wél hamhama lazém ijiha nhaar w tarja3 layém él 3éz madém fiha rjél w9finélha, w koll bléd ma liha kén rjélha w nséha zéda pk pas!! 7aja wa7da to93éd né9sa ... chwaiya "ndhafa" w twalli 7amlénf "al madina al mithaliya" ...
Ahline w sahline bel anonyme!
chwaya ndhafa... w chwaya tabdil mentalités... w chwaya ... w chwaya... :)
Lébés hamhama to93ed dima bled kbiira khater ettari5 ma yekdhebch !
حلوّة برشا الحكاية يا ولد الهمهاما
:-)
بالرّغم من أنّي ولد "الشّمال" آما في هذي معاك ميا في الميا
تحفونة ياسر ;-)
ya Hassra 3al HAMHAMA
foutue maintenant el Hamhama..
c'est la premiere destination de n'importe quel travailleur venu de l'intérieur des terres pour travailler à la capitale..ahawka pour ne pas dire Jabri..
7assilou, illi 7abou Rabbi, il quitte HLIF et ne retournes jamais dans cette ville.
---> Weld Byrsa
Merci bien fréro!
Mar7bé bik w bel nord :)
hayaa sayeb 3lik mel marsa w ija lel hamhama :)
---> AK-47
le ton de ton commentaire me rappelle celui de la chanson de Khaled- Rouhi ya wahrane!
D'abord Jabri c'est une notion très subjective. N'est pas jabri tout ce qui vient de l'intérieur... Mais c'est vrai que el hamhama fait mal au cœur à tous ceux qui la contemplent assez...
9addech kelmek s7i7 ...
Mais je craint qu'a hammam-lif on a atteint le point de non retour .. aucune resurrection n'est possible.
Enregistrer un commentaire