samedi 2 août 2008
الصولد جاء والرحمة لا
يا مرحبا يا أهلاً وسهلاً يا صولد!
توحشناك!
راك غالي و عزيز علينا!
باش نجيب الفاميليا الكل ونهزهم يتفرهدوا ويصرفوا...
رانا ما صرفنا شيء من الصولد الأخير...
عايشين العين بصيرة واليد قصيرة...
باش نفرح بالوليدات، نشريلهم سبابط ولعب وحوايج وماكلة.
ماكم صبرتوا، ليوم الجزاء متاعكم وإنا لفاعلون.
البارح بت نحلم بالدجاج المشوي إلي وعدونا باش يرخصوا فيه 300 مليم كاملين!
راني باش نموت بالفرحة!
شوف الزحمة تبارك الله! الناس شايخة، الطقس صيافي وزاد الصولد حفلها.
ما أحلاه الصولد!
احلى اختراع شفتو في حياتي!
صحيح شوية فوضى أما نورمال خلي الشباب يفتق مواهبو...
اااه...
وراسكم كان جاء عندي كلمة في الحكاية راني منعت منعاً باتاً أي وجه من وجوه التخفيض مدامو شعبنا ملهوف ودوب ما يسمع صولد يهد هدة وحدة تقول معدي العام كامل في أثيوبيا (مع كل احتراماتي للأثيوبيين وخاصةً الأثيوبيات)...
لا يزي مجتمعنا استهلاكي تكاد روح المبادرة تكون ميتة فيه ولا يزي ميت بالشر..
الصبر وبرا...
Inscription à :
Publier les commentaires (Atom)
3 commentaires:
yelzmek tetrena sport 9bal koll solde, histoire d'avoir la forme pour entrer et sortir vivant de cette psychose du groupe que provoquent les soldes!
لا صولد و لا هم يحزنون...لاحظت اللي فقط بعض التجار عاملين صولد مقبول ويهم عادة الثياب اللي ما تباعش و ما عادش موضة اما الباقي صولد متاعهم كاذب و موش صحيح ...وثمة آخرين عاملين صولد ما يفوتش 5 بالمائة عكس ما يقولو في الفترينات...
---> Pink
Hani netrena :) w rabbi yoster..
---> Hallège
klemek s7i7 ama fama des magasins na3rfhom 3amline soldes béhine...
Nen3tek wa9telii t7eb :)
Enregistrer un commentaire