كلمة

كلمة نقولها وما نخاف من حد
كان تعصف الرياح ويدوي الرعد
كلمة تعيش بين السطور
كلمة ما تستناش حتى يكمل الفطور

هي كلمة تظهر كيف الكلام الكل
أما حروفها تعدي كيما مرض السل
كلمة يتناقلها العالم من فم إلى فم
كي تقولها تتجرح ويسيلك الدم

كذب إلي قال الكلام الكل كيف كيف
فما كلام يصنع الربيع وكلام يهبط الخريف
كلمتنا ليوم كلمة ياسر عظيمة
ما تنجم تنطقها الأنفس الكظيمة

كلمة كبيرة مليانة حروف جر
تستر ما ستر وما تذيعش السر
هالكلمة هاذي شكون يقدر عليها؟
حتى الممات في قلبي نخبيها !