عساس بالليل

تخدم عساس بالليل
و النوم ديما غالبك
مرة واقف مرة تميل
والظلام هو صاحبك

ديما تسقسي وتلوج
وتسأل هذاكة شكون
تعرف الصحيح والمعوج
وملم بأسرار الكون

الصبر هو سلاحك
لمجابهة الظروف الصعبة
يا دنيا تعصف رياحك
تقعد ديما أحلى لعبة

حالف ما يقوى عليك حد
تستعين بالواحد الأحد
الراحة تعرفها في الكتب
ويديك مالدهك ما بقاوش رطب

تجربة عشرات السنين
خرجت منها بخلاصة
الليل صحيح يظهر رزين،
في النهاية يهرب وتضوى البلاصة