Les fidèles du Boukornine

mardi 4 novembre 2008

جن الحرية



مسكون يا ناس بجن الحرية
جيبو العزامة خلي يقراو عليا
قلبي كي يتأثر يعمل دقة زايدة
ولساني كي يحكي يقول كلمة رائدة

مرات قدامي ريت العوج المر
قلت خليني ساكت حتى يسلك العمر
تكلم الجن وقالي قوم طالب
يزيك من الخمول ومن كلمة الله غالب

هزيت قلم وأنا متردد
خايف لا الحبار يطلع مصدد
قمت وسيبت أقوى عيطة
ما همنيش إسمي يتفسخ من الخريطة


حاولت يا ناس نسكر فمي
نخبي بين ضلوعي محنتي وهمي
أما يهديه الجن رجعلي
وقالي يا بوقرنين من فضلك إبدعلي
قصيدة وإلا زوز
مليانة إستعارة وكلها رموز

في عيد الحرية بطريقتي نحتفل
شايخ زاطل بريحة مشموم الفل
يا عمار يا غالي تقبل سلامي
كي لميتنا ليوم تحقق جزء من أحلامي

3 commentaires:

ولد بيرسا a dit…

:-))) شبابة منّك يا خليل

Khalil a dit…

3aychou khouya byrsa ! :)

pink_panther a dit…

malla roumancia ya khalil,
yesser 7loua hal 9acida!
chapeau!