بعد قرارات الرابطة المحترفة المتتالية بحرمان جميع المؤمنين وحتى الآخرين من مشاهدة عدة مباريات كرة قدم حتى كان جات كرة عصرية وفرجوية... السادة إلي لاهين بالكرة في بلادنا حسب ما فهمنا مستخسرين فينا بطولتنا إلي متواضعة من عند ربي... تقول عليهم خاسرين حاجة كي الشعب يتفرهد... إلى درجة أنهم قريب باش يعاقبوا جمعية كل محب تشدو الكحة أو العطسة أثناء مقابلة هامة على غرار جرجيس وجندوبة، بثلاثة مباريات بلا حضور جمهور حتى لا يعدي بقية جماهير الفريق... وبالطبيعة تجي تحكي معاهم يقلك:" يا خويا ماكم عبدتونا سنين الله بسياسة المكيالين وظلم الأندية الصغرى وخدمة مصالح الأندية الكبرى!!!! إذن حان الوقت الآن باش نطبقو القانون كيما يلزم!"
يا بابا ! يا معلم ! عندنا ثلاثة مباريات حلوة نتفرجو فيهم في الموسم تجي إنتي تحرم ؟
هذه هي كان ظلم عيفك في روحك وكان طبق القانون طيرلك الكيف... تقول عليه بالشماتة يخدم ... خايفين بركة يطلعش لومار عداكم ؟؟
انشالله لاباس على كل حال...
والسلام
Aucun commentaire:
Enregistrer un commentaire