Les fidèles du Boukornine

mardi 31 mars 2009

قصيدة نسات باب الدار منين


غريبة في الناس إلي حبيتهم وغدروا
ضحكولي في وجهي وفي ظهري هدروا
ما كنت نفلت لحظة نجيبلهم فيها الهدايا
كي طحت خلاوني وحدي نقاسي في دايا

كانوا قراب من القلب وقراب بالدم
وكي استحقيت لقيتهم إلي يسب وإلي يذم
محال القلب يفهم مبدأ قلبان الفيستة
إسم بين نهار وليلة يجبروك تشطبو من الليستة

تكبر وتتعلم كيفاش في الدنيا تسير
ما يغرك فيهم مظهر طويل وإلا قصير
لازمك تعيش فيها وحدك انتي القبطان
ناس اليوم اتبعهم تكون نهايتك مرسطان

عمرك ما تغلط وتسمعهم، ديما تكمل لقدام
تاقف لحظة ياكلولك لحمك كيما بكري الجدام
المفيد معمولك لربي، ما يضيعش أجرك يا الإنسان
انتي صبرك كنز مخبي، وهما أفعالهم ياكلها النسيان

1 commentaire:

Anonyme a dit…

9asida nassatni beb darna mnine!!!!