Les fidèles du Boukornine

dimanche 22 mars 2009

ثورة الأرض


توا ملايين السنين يذلوا فيا وأنا نعدي
مرة نسكت مرة نحزن ونبات هكة حدي
أما ليوم وفى... يزيني ما صبرت
حاولت نفهمكم، نعذركم وعمري ما قدرت
شفت الظلم الغاشم وإنسان يقتل إنسان
وشفت مدفونة في أعماقي مبادئ العدل والإحسان
في بالي خيركم ربي بنعمة الكلام
لقيتكم من الداخل موتى قلوبكم أسود من الظلام
عايشين في الدنيا بالغدر لا حبيب ولا رفيق
ما زعام كان في الضحكة الصفراء والتنوفيق
كل يوم تمشيو على قلبي وتعفسو على ظهري
وأنا نصبر في روحي، عمري ما بكيت على زهري
كفاية، ليوم نقلبها بيكم سافيها على عاليها
زلازل وبراكين و وديان هائجة في أراضي أماليها
زعمة تمنعكم شيكاتكم الرزينة و رصودكم البنكية
وإلا تاقفلكم معارفكم الصحيحة في وزارة المالية
تعرفشي كيفاش خليكم فيها قاعدين
عايشين على الأوهام خادمين ومتقاعدين
أما يا نهار أسود تجيوني ونفرح بيكم
ناكلكم بدودي وفي وحدتي نتونس بيكم

5 commentaires:

Anonyme a dit…

mahboula mennek

Nomade a dit…

Excellent!

بـانـدي...خـمـيّـس بـانـدي a dit…

دمـت شـامـخـا كـجـبـل بـوڨـرنـيـن... شـكـرا

Anonyme a dit…

enti tayara !!

pink_panther a dit…

c'est triste mais bien vrai;