Les fidèles du Boukornine

vendredi 20 mars 2009

يوم الوداع

لاك فاهم روحك حزين وإلا فرحان
الفم يضحك والقلب تايه وسرحان
تسأل على الوقت، يطلع موعد الفراق حان
خليت رائحة منتنة وإنتي عز الريحان

من غير يا ليت ومن غير ما تسأل علاش
القدر طايح سومو وتوا مدة ما غلاش
هكة في بلادنا نحكموا عليك في ثانية
نظرة واحدة تكفيهم، يطبعوك والدنيا هانية

من غير ما تخمم علي تعدى وفات
عيش حياتك كيما العادة تو يجي وقتها الوفاة
ما تخليش العالم يبدلك ويأثر فيك
ما تخليش كلام تراكن يغيرك و يلعب بيك

ما فما بلاصة لحسرة وندم
ما فما مكان يسيلولك فيه الدم
قوم واجههم وبابتسامة العادة قوللهم
"سامحتكم"، وانشاالله ربي يغفرلهم

2 commentaires:

PrincessTanit a dit…

merci pour ce poème khalil!

ولد بيرسا a dit…

الله غالب، فمّا أيّامات هكّا... تحسّ الّي ما فاهمك حدّ و الّي الدّنيا ضياقت عليك
أما المهمّ أنّك كي تقوم الصّباح، تبدى مرتاح و ما تخافش باش تغزر للناس في وجوههم كيف تخرج ... هاذاكا الفرق بينك و بينهم