Les fidèles du Boukornine

lundi 27 octobre 2008

حرية التدوين هي ديني



عديت عشرين سنة من عمري ساكت.
نشوف في العوج وما أمكنليش نعبر... وحتى كي ننطق كلامي فيسع ما تطفيه الرياح وتهزو لعالم النسيان...
ما عرفتش شنوة الحل...
قلت لعل هذاكا مكتوب ربي وتكون البكشة مرض وراثي نتناقلوا فيه أب عن جد...
وفي لحظة تغيرت كل أفكاري وكان دخولي في عالم التدوين بمثابة الوحي إلي هبط عليا وأعطى معنى للوجود...
الريح ما عادش يقدر يفسخ كلامي حيث حروفي محفورة على صخرة يقراها القاري والجاهل اليوم وغدوة وعمرها ما تتنسى!
تبعت دين حرية التدوين كيما ملاين في الدنيا، كلمة الحق جمعتنا، الجناس والطباق والإستعارة سبل التضرع في دعائنا لعالم أفضل...
الكتيبة فن الفنون
كي نشد قلم يسجد العالم ويقول لبيك يا فرعون
بمجرد حروف نحدث زلزال
وينزل من السماء ماء زلال
اخترت سبيل التدوين الحر
وما تسكتنا كان الموت
وحتى كان سقطنا
يتكلم عنا التابوت
ليت الجميع يلبي النداء
وفي 4 نوفمبر نغني سواء:
"دام التدوين الحر ودمتم طيبين"

4 commentaires:

HNANI a dit…

تدوينة خارجة من القلب بكلها صدق
يعطيك الصحّة و ربي يخلينا بخير ليوم 4 نوفمبر باش انغنيوا لحرية التدوين و لتونس

WALLADA a dit…

yemna3 dinek

Anonyme a dit…

emin!
ya ou5ay ti winek?
Hal ghiba!
labes?

Anonyme a dit…

Yesterday, while I was at work, my cousin stole my iphone and
tested to see if it can survive a 40 foot drop, just so she can be a youtube sensation.
My iPad is now destroyed and she has 83 views.
I know this is completely off topic but I had to share it with someone!


Visit my blog - cellulite treatment