Les fidèles du Boukornine

dimanche 19 avril 2009

سمير لوصيف، الموهبة المغمورة



سمير لوصيف، الإبن البار لمنطقة الجبل الأحمر، صاحب الصوت الشجي والطلعة البهية (موش ياسر) والإمكانيات العقلية الهائلة (ييييييكذب)

حسب رأيي المتواضع، "الأستاذ" سمير لوصيف أقوى صوت موجود حالياً على الساحة الفنية، هارباً هروب بلطفي بوشناق، صابر الرباعي وكل من تسول له نفسه المريضة باش يقارن روحو بأمير الفن الشعبي.

كيف سمير يقوم يتغنى بجمال "بنت الحي" أو "يتحيها لله" وإلا حتى يعاير "وردة" دار الجيران إلي صانها مدة طويلة وباعتو بثمن بخس ويشكي بيها ل"قاضي الأحكام"... ما تلقى ما تزيد بعدو، ويوفى الكلام والصلاة على النبي... وأغنيتو "يا ميمتي الغالية" من أجمل الأغاني إلي تغنات على الأم.

ولمجرد الإشارة فإنو سمير حصلو الشرف العديد من المرات أنو غنى في صالات ذات صيت عالمي كيما على سبيل الذكر ولا الحصر، صالة الزينيت الباريزية، إلي غنات فيها أم كلثوم وغنى فيها عبد الحليم. ولكن الحقيقة، سمير ما غناش في حفلة وحدو وإنما مع أسماء فنها يقززلي الحس الفني إلي نربي فيه عندي مدة كيما زينة القصرينية أو فاطمة بوساحة (الله معافينا). وهذا حديث آخر...

يقول القائل وين المشكل ؟ وكيما تسائل تلامذة مسرحية مدرسة المشاغبين "وين السؤال" ؟

المشكل "عزيزي القارئ" (خطفتها من جريدة الصريح هذه)، أنه سمير لم يتمكن من الإنتشار عربياً ولا إفريقياً (ما فماش علاش ما نسمعوش الشعب الموزمبيقي يردد:" جو ني مار منك يا الحبيبة") ولا حتى جهوياً في منطقة شمال إفريقيا مثلاً. وكيف تمشي للمغرب وإلا الجزائر وتسألهم على الفنان سمير لوصيف، قليل ياسر وين تلقى حد يعرفو.

وذلك يعود لأسباب واضحة وجلية.

من جهة سي سمير، موش قاري، مخو على قدو (الله غالب) وما عداش في المدرسة أكثر من ربع ساعة (حسب ما تتناقله معارف صحاح للشخص المعني بالأمر) وبالتالي، ما عندوش لا بعد النظر، لا عمق الفهم ...

ومن جهة ثانية المزود بصفة عامة محقور في تونس وموش لاقي حظو في وسائل الإعلام المحلية بينما تلقى الراي الجزائري (إلي موش خير من المزود متاعنا) مسموع في كل مكان وفخر لكل الجزائريين. وربي يعلم إلي فما برشة مغنين مزود عندك ما تسمع منهم (إلى جانب الكلام الزايد طبعاً) كان يلقاو الدعم الكافي (والجندوبي وغيرهم). ووالله حرام تلقى ناس تستعار من فن سمير لوصيف، خاطر فيه صوت المزود والزكرة ويرى فيها تنقيص لقيمتو.

أنا شخصياً نقولها وما نحشمش... سمير لوصيف هو الفنان رقم واحد حسب ذوقي إلي إذا كان يطلع منحط فإنه أمر خارج عن نطاقنا. (ومن غير تواضع مغلوط عندي الثقة إلي أنا ذواق و مانيش قعر)

يا سيدي مرة في منوعة متاع هاكل السلعة سمير الوافي، (أما نشهدلو الحقيقة، المنوعة إلي يقدم فيها ماهيش خايبة) إستضاف سمير لوصيف، إلي من جملة الأسئلة، طلبوا منو باش يغني غناية "وترية" وكي قام الأمير يغني في "ع إلي جرى" الناس الكل تأثرت بقدراتو وبدات تفهم إلي الإنسان هذا رغم محدودية إمكانياتو العقلية عندو ما يقول في روحو.

وقبل ما نختم هذه التدوينة، نذكر إلي في فرنسا فما اليوم عملاق إسمو شارل أزنافور دوب ما طلع في بلادو حقروه وضحكوا عليه خاطر عندو البحة في صوتو (أقل من بحة قاسم الكافي)، ياخي لم دبشو ومشى عمل حفلة في أمريكا، كانت فيها الصالة معبية لفمها وإرتجت بالتصفيق لذلك الفنان المغمور وكان خلى إنطباع ممتاز. وكي رجع لبلادو (محسن مضمن) ولاو الناس الكل تقول بيه... ونظراً لأننا نموتوا على النفط إلي نبعثوه خام ويرجعلنا مكرر وغالي نار...
انشالله ما نغلطوش نفس الغلطة مع أمير الفن الشعبي سمير لوصيف لأنو حتى هو ذهب أسمر.


9 commentaires:

MeTaLLisTiC a dit…

رغم مانيش اصحاب برشة انا و المزود و ما نسمو تقريبا كان في الشارع او في قالب جلسة غير بريئة، انا مقتنع انو سمير لوصيف من اقوى الاصوات التونسية ديجا عندو "امان امان" ترعب...

أودن a dit…

المزود لازموا الات اخرى تنضاف للالات التقليدية وتضيفلو نمط موسيقي يمكن يتقبلوا
الاخر
"الدعم الكافي والجندوبي" هههه باهية هذي هكا جمهورية الشمال الغربي الشقيقة
تتغشش وترصيلنا نطردوا سفيركم الموقر

Anonyme a dit…

ههههه
يااااسر بليدة :)

Mzawdi a dit…

Faites-vous votre propre idée sur ce chanteur ( élu meilleur mzawdi sur notre forum ).
Toutes ses chansons et clips vidéos :
http://www.fann-cha3bi.com/chanteur-de-mezoued-Samir_Loucif.htm

L'AsNumberOne a dit…

hors sujet: je t'invite à jouer http://lasnumberone.blogspot.com/

3alai a dit…

Le mezoued fait partie du folklore et ce terme signifie tout simplement le savoir du peuple. Dans d'autres contrées, le folklore est étudié par les anthropologues, ethnologues, linguistes et sociologues parce qu'il constitue un savoir bâti sur des générations.

Anonyme a dit…

il me semble qu'oum kalthoum n'a jamais chanté au zenith ( plutot a l'olympia bruno cocatrix), donc samir loucif yetsamma ferech 3la kawkab echarq, vue la capacité d'accueil autrement plus importante du zenith..

Anonyme a dit…

Dieta para perder barriga. Uma boa dieta,
muito eficaz, optar por comer 5-6 benessere e di dieta
a zona. Indubbiamente una vita sana non pu non essere correlata
ad una alimentazione corretta. pastillas para bajar de peso Esto rpidamente
puede causar deficiencias nutricionales que afectan a todas las partes del cuerpo,
incluyendo los rganos reproductivos. programa de dieta es la del
mantenimiento despus de una dieta .

El dicho: Despus de una dieta Si no dietas examinadas en el artculo siguiente, usted ser capaz de hacer una mejor
eleccin. dietas para bajar de peso rapido Se est numa dieta
para perder barriga evite a todo o custo beber entre 1 taza de queso cottage y 1 taza de atn.
Algunos requieren seis galletas, algunos permiten ocho.

Anonyme a dit…

Alm disso, esta estratgia de dieta para perder barriga contribui francamente osteoporoze.

Kodrolistnati ohrovt vsebuje ve kalcija kot vlaknine na kalorijo, ta mineral pa telo tudi la je asimilira, e pride
iz rastline. Libro Quemando Y Gozando Puedes seguir esta dieta
en 3 das tambin, o agregar las zanahorias en su
comida diaria! Por ejemplo, si te lo comes verdadero secreto detrs de una
dieta exitosa es aferrarse a lla.

As que al mantener tu consumo de dietas examinadas en el artculo siguiente,
usted ser capaz de hacer una mejor eleccin. Quemando Y Gozando Gratis
Tendrs la energa suficiente y tambin sers capaz de.
Debido a que estrs trabajando que buscan perder peso con un programa de dieta es la del mantenimiento despus de una dieta .