samedi 6 septembre 2008
أنا نسمة
أنا نسمة حزينة تتسيب بعد نصف الليل...
تطير من سطح لسطح وفي كل قلب عليل...
تهيج الأشجان ويصيح المهبول كي يشم ريحة الياسمين...
كي يضرب الهواء في وجهو يغمض عينيه ، ويتصور روحو في حضن حنين...
أنا بسمة حزن ما يفهمها كان المجرب...
محال يحس بيها غير الإنسان المتغرب...
أنا ريحة مشموم بدا يذبال...
ناوية تضمحل قبل ما يطلع الصباح...
أنا أحلى مظهر من مظاهر الهبال...
أنا إلي نعطي معنى لإبهام النباح...
أنا إلى توا موش عارف روحي شكون...
نهارة إلي نعرف تو نعملك تاليفون..
Inscription à :
Publier les commentaires (Atom)
8 commentaires:
اللّه
شنيّة هالأحاسيس العالية و القويّة
زيد احفر يا خليل في جسم الألم تزيد تتفجّر القريحة
هبال..... :-))) حلوّة برشا
7lowa "talifoun" :)
هذي هي اللي يقولولها... م الجواجي
**
ولادة الغالية
شكراً يا ولادة... هاني نحفر ونزيد نحفر...
يا بش يعرضني البيترول وإلا الغرم :)
---> ولد بيرسا
عيش خويا يا بيرسا يا معلم..
---> غجرية
أهلا وسهلا...
أيا تشري التاليفون ؟ نعملك سوم!
أما راهو بلاش شارجور...
---> البرباش
مرحبا بسي البرباش يا سيدي نورتنا المحل!
بالضبط من الجواجي ومازالوا جواجيا عندهم ما يحكيو...
ya khalil inti a7la nessma surtout ne change rien, ce post est tout à fait fidèle l'rou7ek el 3alya!!!!!
ma tébkhelch 3lina b' des post kifma hétha.
c'est trés beau!
nchala ta3melli talifoun fisa3 :)
---> Najet
Merci beaucoup Jajjou je tâcherai d'écrire beaucoup plus de poèmes :)
---> A9wa Pink
Merci Pink! haw jek ettalifoun ;)
Enregistrer un commentaire