Les fidèles du Boukornine

vendredi 12 septembre 2008

تاريخ نهج 3224



كان نهار تخرج تتمشى في المدينة العربي لما تهبل ببنة وشاعرية أسماء الأنهجة...
هاو نهج البلار وهاو نهج الشتاء والشمس والقمر وغيرهم بينما ليوم في الأحياء الجديدة ضاقت عليهم الأسامي ولينا ما نسمعو كان نهج 6134 زنقة عدد 3...
بالله فسرولي، ياخي كي يعملوا إسم حلو يخلصوا أداءات زايدة ؟
وتوا نحنا ياخي ما عاندناش تاريخ نقتبسوا منه أسماء يشرفونا ويحسسونا إلي عندنا حضارة كبيرة ورانا ؟
حنبعل ؟ اميلكار؟ عليسة؟ وألف مليون إسم فرد شرف تونس في شتى المجالات... وأسماء الحروب إلي خاضتها تونس من وقت البونقيين لحرب الإستقلال ؟
لا نحنا نخير إما الأرقام (وهو إختيار عجيب) وإما أسماء بلدان أروبية هوما في بلادهم لا يعملونا لا قدر لا قيمة وإلا أسماء مفكرين أجانب خاطر الوخيان ديمة قارين النقص في ولاد بلادهم... نعطي لجون جوريس نهج يوقف المخ والباهي الأدغم نعطيه زنقة... ونورمال!
وأما بعد فيا إخوة الإيمان،
في برنا العزيز النهج كي يسميوه، البلاكة إلي تحمل الإسم تكون عندها تاريخ أقصى للإستهلاك ما يفوتش عشرة سنين عامةً، ودوب ما يبدى إسم النهج يتفسخ والبلاك تصدد(وطول المدة هذه رهين عدة عوامل لعل أبرزها الرطوبة والقرب من البحر) تلقى الوخيان يستنبطوا ويخممو في حويجة ما تخطر على بال لا إنسي لا جني...
يسكت يسكت، ومن مبعد يتهز ويتنفض ويقول:"بربي علاش ما نسميوهش نهج 6101 بدلاً عن 6100؟"
وقتها يدورولو زملاؤو بين مؤيد ومعارض ويتفقوا في الآخر بالأغلبية الساحقة على أنو إسم يليق...
بينما في فرنسا مثلاً عادي جداً تلقاهم يحتفلوا بالمئوية الثالثة متاع زنقة كي تراها تحقرها وهذا الفرق في التصرف يعود حسب مصادرنا الموثوق بها إلى الهوة التكنولوجية بين الشمال والجنوب حيث مدة صلحية البلايك متاعهم تفوق بكثير البلايك إلي عندنا في تونس... بعبارة أوضح بلايكهم ما تصددش فيسع!
هيا انشالله معرفة طيبة وما تنساش تسلمني على عم خميس العطار!

10 commentaires:

ولد بيرسا a dit…

و الله عندك الحقّ كيف تتغشّش من حاجة هكّا، أما آنا نعطيهم الحقّ البلديّات و موافقهم ميا في الميا
آش تحبّ تعمل؟ الله غالب... ماعادش فمّا رجال في البلاد
يا حسرة كيف كانت تونس تملا و تفرّغ بالصّناديد، بالرّجال الّي يشرّفو الوطن و الّي يهزّولك راسك قدّام الغير
وقتلّي تكتب اسمو عالبلاكة، يملاها.
كيف تتعدّى بحذا بلاكة مكتوب فيها "نهج مصباح الجربوع" و الاّ "شارع أحمد الحامّي" تحسّ بالوهرة خارجة مالحيط، تحسّ الّي ماذابيك تحيّيه الحيط و تقدّرو (بثلاث نقاط على القاف) من غير ما تشعر

أما توّا آش فمّا؟
كان العفّاط و خوه (و عذرا عن اللّفظ النّابي، أما ما لقيتش مرادف يملى الفمّ)؛
البلاد ما عاد فيها كان الشّخصيّات المنفسخة و الرّكيكة و الّي ماذابيك كان تبزق عليهم و تكبّلهم سعودهم

تي بربّي يا خليل برجوليّة: أما خير؟ نهج 3200 و الاّ نهج سليم شيبوب؟
نهج 1500 و الاّ نهج سميرة خيّاش بالحاج؟
أه؟؟؟؟ برجوليّة من غير تكلّف؟

إي أكاهو عاد، ما عاد تحكي معايا حتّى حكاية :-))))))))))))))؛

Khalil a dit…

برجولية يا ولد بيرسا أفحمتني :)))
وعطيتني قناعة كبيرة بنهج 3224 :)
يقوى عليك ربي !

toukébri a dit…

خميس على الرجله
برج اللّية وحدك فل وهرة

princessTanit a dit…

Je ne peux pas nier que Weld Byrsa a parfaitement raison mais on n'est pas obligé de nommer les rues en utilisant les noms des 'soi disant' personnalités du moments.
dans la médina il y a bien 'nahj elattarine', 'nahj elyasmine', 'nahj elbarka'... il y a bien des rues nommées ' rue de la victoire', 'rue de la méditerranée' ou 'rue de l'Afrique'...
La langue arabe est bien riche et on peut y puiser une infinités de mots.
sinon le monde ne manque pas de personnalités, ça me plairait bien une rue 'Bill Gates' amma mouch rue 1548641, de un c'est trop moche, de deux perso jamais je n'arriverais à mémoriser cette rue :-s.

pink a dit…

ou nahj edhlem ou nahj el 3arrak!
nsithom?
http://et-pourtant-elle-tourne.blogspot.com/2008/04/do-you-know.html

ولد بيرسا a dit…

إلى الأميرة تانيت؛
هي ماهاش دونيّة فكرة المهن مثلا، أما الخدم و القيم الكلّ عندهم انهجة ماهي انهجة و احياء ماهي احياء
و بصراحة الخدم الجّدد الكلّ ما يشرّفوش ياسر...... تصوّر مثلا
- نهج القفّافة
- نهج القوادة
- نهج الصّبّابة
- نهج المواطن الرّقيب
- نهج عمّار بو مقصّ
لذا برجولية نخيّر نهج 1548641 الّي قلت عليه
:-)))))))))))))

الى الدّكتورة بينك
و نهج الدّوّارة، و نهج الكبدة، و نهج النّار، و نهج المسكوكة، و نهج الحديد،.....؛

pink a dit…

@weldbyrsa : behia hedhi nahj eddawwara!
3omri ma sma3t bih!

ولد بيرسا a dit…

eh oui pink.... pourtant il existe, à bab souika.
et qu'est ce que tu dis de nehj el maskouka????? :-)))

pink_panther a dit…

@ weldbyrsa: yelzmek ta3mel bina doura ou t3arrefna 3la hal onhja el 3adhima!
wallahi; tout compte fait ce n'est pas une mauvaise idée!
aya khalil, tetlhelna bel 7keya?
ennajmou na3mlou séance photo sympatique!

Khalil a dit…

Fekra heyla ya pink ! Je m'occupe de l'affaire :)
Ma t3alla9ch !
Sma3t mahou ya byrsa khouya ?