Les fidèles du Boukornine

vendredi 20 février 2009

توحشتك... كان تشوف قداش

شنوة أحوالك ؟
يا إلي مشيت وماشاورت حد، وكنت تضوي سمايا كيف البرق، يا عزيزة، يا غالية، يا كبيرة، يا أم الدنيا...
بكلمة واحدة، بتنهيدة واحدة، وإنتي وحدك ما يعوضك حد، نقلك توحشتك...
ما نكذبش عليك بعدك الدنيا بلا نكهة، بلا طعم، بلا هريسة، بلا أفاح... بلا بسماتك، وبلا بصماتك، بلا قلبك الحنين، بلا ضمارك إلي ما يضاهيهش ضمار آخر...
الدنيا تبكي قد ما حاولت نواسيها، فاقد الشيء لا يعطيه، كيفاش نسكت الدنيا وأنا قلبي مازال يبكي على فراقك...
أربعة سنوات مرت، والوجيعة هي هي...
قريب نولي طبيب انشالله، باش نداويك... ما خليتليش فرصة باش نداويك... ليوم ما نقدرش نداوي روحي من حزني عليك...
هاذيكة حدود الطب...
ما عادش حتى حد يجي يغطيني كي يهزني النوم والدنيا باردة... ما عادش يجيني نوم...
تتذكر كي كنت نغنيلك وتقلي صوتك حلو ولازمك تقيد في كنسرفاتوار ؟ ما قيدتش صحيح، أما ديما نغني، وعندي ميل كبير للأغاني الحزينة، وصوتي مبحاح من كثرة ما نصيح في الموال ونغني يا ليل يا لييييييل... والليل يشاركني أشجاني، والقمرة فيسع ما تهرب، ما تحبنيش نراها في تلك الحالة وتزيد على ما بيا...
وعملت مدونة وسميتها بوقرنين، كلما ندخللها تذكرني فيك، وكل حرف نكتبوا نرى فيه طيفك...
يا فلانة يا بنت فلان... ما نسيت شي من حكاياتك... توحشتك من أعماق قلبي...
يزينا من الحزن، أما إلي في القلب في القلب... احكيلي انتي كيفاش الجنة ؟ كيفاش انهار الخمر لذا للشاربين ؟ بالحق تلبسوا كلكم بالأخضر ؟ مالا كلكم تحبو حمام الأنف ؟ كيفاش صفاتهم الملائكة ؟
نهار من النهارات باش نجي بحذاك... أقرالي حسابي في كأس التاي منعنع من يديك الملاح...
!توحشتك... كان تشوف قداش!!

8 commentaires:

L'AsNumberOne a dit…

Si je pouvais voter deux fois....

zahraten a dit…

Tu dois savoir et pouvoir contenir , dominer cette intolérable souffrance de l'absence..........................Allah yer7amha wienna3amha
je sais ,Ma a3azz mel ouled ken wild el ouled...
a9ra' laha al Fati7a kol ma tetffakarha, ouzourha kol ma t7eb ta7kilha haja


«Serrer vos grands-parents dans vos bras et dites : “Merci d’avoir fait ce que tu as fait pour que je puisse exister !”»
[ Alex Haley ] - Jet Magazine - 4 Février 1985

Tes qualités de Medecin t'aideront à sauver beaucoup de vies humaines...

woundedsoul a dit…

je suis tombée sur ton texte au mauvais moment, et je comprends parfaitement chaque mot, je suis entrain de vivre la mort progressive de ma grand mère sans pouvoir rien y changer.
le pire qu'un étudiant en medecine puisse ressentir c'est son impuissance face à la maladie d'un proche.
allah yarham'ha, je suis sure qu'elle est fière de toi de là où elle est

Khalil a dit…

@ L'as:
Ton commentaire vaut plus de mille votes!
Merci!

@ Zahra:
J'essaie tant bien que mal de contenir mes émotions...
J'espère vraiment participer à sauver des êtres humains et c'est ce qui fait de ce métier une vraie passion pour bon nombre de gens...
Merci Zahra de trouver toujours les mots justes... Tu es mon sénior de garde! :)

@ Woundedsoul:
Bienvenue à vous sur ce blog.
Je vous remercie pour vos consolations... Vous savez de quoi je parle, profitez du maximum de moments aux côtés de votre grand-mère pour ne rien regretter par la suite... C'est le seul conseil que je puis vous donner...
Au plaisir!

pink_panther a dit…

allah yar7amha

Anonyme a dit…

ألف شكر لك أخي الكريم
_________________
مدونتي / مدونة القاضي العربي Fabulass
http://fabulassworld.blogspot.com

لا ينفع القانون فينا رادعاً

ما لم تكن فينا ضمائر تردعُ

Najet a dit…

... otlbelha erra7ma ya Khalil :'(

youssef a dit…

ya khalil , lyoum owél nhar fi Romdhan , wél édhén mta3 owél fajr yadhén j'ai trouvé ce texte et j'ai pleuré , j'ai versé des larmes alors que je me croyais débarrassé de mes glandes lacrymales depuis longtemps . je pleure encore et je continuerais a pleurer pendant un bon bout de temps.

Rabbi yéhdik !