Les fidèles du Boukornine

samedi 30 mai 2009

في الجلاز بالذات دفينة على الطريقة الوهابية



قلنا السلام عليكم...
توا مدة صغيرة مشيت للجلاز في طقس الواحد يشتهي فيه يخرج من قشرتو فماش ما يتبرد شوية. عندي قريبي الله يرحمو وافاه الأجل المحتوم.
أيا سيدي وصلنا للقبر وفينا إلي دهش وإلي جابولوا الزهر...
نلقاو بجنبنا بالظبط فما دفينة متاع وليد صغير عمرو 18 سنة مات بدون سابق إعلام، لا مرض مزمن، لا شيء...
بداوشي هوما يحفروا من جهتهم وأحنا متوكلين على ربي.
وإلي زاد دوخنا في هذه الظروف المناخية الصعيبة، راجل واقف يخطب فيهم لابس تقول عليه الفنان منير الطرودي لحيتو مسيبة ويصيح ويعيط والعروق متاع رقبتو باش يخرجوا وهو يقول:
" كان بين والديه مكرم مبجل
ليوم في التراب باش ياكلو الدود
البارح بركة كان في دارهم بايت
ليوم يبات في قبرو وباش يتعذب عذاب مرير هو عذاب القبر ما يمنع منو حد... ويضربولو رأسوا بحجرة كبيرة..."

الحاصيلو الناس الكل مبهمة فيه موش مصدقين، ناس في الدفينة مستانسة تدعي ربي يرحمو، يكرم نزله، ينقيه من الخطايا كما ينقى الثوب الأبيض من الدنس... السيد هذا أذكى من الناس الكل قالك الناس تحفر وأنا نخوفهم خلي نمخجولهم مخاخم ونشربلهم عقولهم.
وبينما كان السيد في عز الكلام (كيما يقول عبد الحليم الله يرحمو)
بو الطفل طاح مغشياً عليه والناس تفيق فيه، و"الشيخ" إلي عمرو ما يفوتش ثلاثين سنة مازال مكمل حتى لين جاوه جماعة سكتوه وهو متخمر في تخميرة يا لطيف... تقول بسيكوبات يتبنين بالنظر للعباد وهي تتباكى.
برشة جبورة تاخو الكلمة وقتلي الناس تبدى في ظروف قاسية وما تفرقش بين الصحيح والباطل، وتبدى تهز وتنفض...
لكل كلام مقام ومش كل واحد حفظ آيتين من كتاب ربي باش يبدى يفلم على الناس...

7 commentaires:

bent 3ayla a dit…

لا تباركلو. هاذي هي "فوق الموت عصّة القبر" مسيكن بوه راهو لتوا تروماتيزي
الله يرحم من توفالك و الحمد الله على رجوعك

Khalil a dit…

Merci beaucoup Bent 3ayla.
Je ne te le fais pas dire, ce psychopathe a du traumatiser plus d'un cet aprés-midi là.
:)

Anonyme a dit…

C déprimant el 7ala eli wesloulha el 3bed. mnin tal3ou hedhom ? w kifeh y5amou !! yé ltiffff

khayati a dit…

il y en a plus. Paraît-il que dans un cimetière de Sfax, ils ont effacé les "chawahed" de nuit... Vrai, faux, je n'en sais rien...

Anonyme a dit…

Vrai ou faux on en sait rien... Mais c'est pas grave tant que ça sert la cause lançons/participons à la rumeur...
Haw l'éthique et la déontologie wella lawwa7.

el manchou a dit…

le complot islamisto-rétrograde est en cours, ils ont formé des centaines de barbus, bientôt le mé far9 va reprendre du service.

مفعوص مزمر a dit…

حتى رقود الجبانة ماهومش سالمين من الزحف الوهابي ؟؟؟ يا رسول الله سود وجهك و لي فحام ...احفظ شوية قران و تبع شوية من جماعة "السلام عليكم " تولي شيخ و عليك الكلام