Les fidèles du Boukornine

mardi 12 mai 2009

كلنا ضد برنامج حرب أهلية على الفضائية ت7




كنت ناوي ندخل في سبات ما يخرجني منو كان الله عز وجل ولكن ونظراً لما يتطلبه الوضع الراهن من تضحيات جسام في سبيل سلامة المواطنين والمنشآت، قررت نعمل زيارة خاطفة على أمل تحريك العقول الجامدة.

نهار الأربعاء هذا كان صدقني ربي وفي غرغور القايلة باش تشهد تونس حدث بالغ الأهمية ألا وهو نهائي البطولة إلي باش يجمع في حوار غير مباشر الإفريقي والترجي على الطريقة الإيطالية في الجولة الختامية. مع العلم إلي ها الفريقين عندهم مدة كبيرة ما تنافسوش بالشدة هذه على بطولة.

توا كي تخرج في شوارع العاصمة ما تسمع كان... "كان ما نهزوها نحنا نحرقوه الستاد"، "بطولة روحت حتى بالغورة"... ومشطرة كبيرة من هذا القبيل من الجمل إلي أكيد فهمتوا، تدل على رحابة صدر عالية.

ولكن الأمر ما يوفاش هوني. حيث شاءت الأقدار أن يكون الخصم متاع الترجي في هذه الجولة الختامية: النجم الرياضي الساحلي. هذا الفريق إلي عندو أحباء من أكبر هواة رياضات رمي الحجارة، وحرق الغابات وشتى عمليات التخريب ومباراتهم ضد الترجي في رادس لحساب ربع النهائي متاع الكأس السنة أو سيارات جمهور أهلي طرابلس خير دليل على ذلك.

الحاصيلو جو عام سريع الإلتهاب، يا بوك واحد يشعل سيقارو لاما نمشيو فيها كلنا زيزي.

أنا شخصياً ونظراً لكوني محب لجمعية ما عندها في السوق ما تذوق، نتصور ما عنديش خيار غير تشجيع الروح الرياضية.
يقول القايل الروح الرياضية آش مدخلها في ها الجولة الختامية ؟ من الأرجح تكون غايبة في كل الحالات.

لا يا سيدي هنا تغلط، أنا شخصياً باش نمشي للستاد نشجع مدافعي الروح الرياضية في كامل تراب الجمهورية : أعوان الأمن.
باش نهز معايا بلاكة كبيرة نكتب عليها:" خلية أحباء المتراك في حمام الأنف".

خاطر التونسي مازال ما فهمش أنو ملعب رادس وملعب المنزه وكل المنشآت إلي والدين أمهم، تتاحلهم الفرصة باش يستغلوها ملك للمجموعة وكي يخسروا ويكسروا الكراسي ويحرقوا سيارة إطفاء ماهوش إستعراض عضلات وإلا فخر كيما يتصور البعض وإنما شيء لا يجي من باب الإنسانية لا السلوك الحضاري لا حتى من باب الرجولية.
لذا إلي يخسر يسكر فمو، يتحلى بجميل الصبر، يهبط رأسو ويشد دارهم وإلا العصا لمن عصى وإلي جابها لروحو...
وإلي ما عجبوش الوضع تو نحكمو عليه بسيجور بستة أشهر في ثوب محب لجمعية تكور على الدود كيف جمعيتي...
وآخر دعوانا انشالله يخسروا الكل وما يربح حتى حد ولو للأسف الشديد، الشي هذا منطقياً مش ممكن .
في الأمن والأمان

6 commentaires:

wissem a dit…

Que le meilleur gagne !!

tunisianblogger a dit…

ennesr ma yrawah ken ma tarhel m3ah lebled essné looooll (et c'est vraiment désolant tout ça)!!!

le 22 mai 2008 j'étais au stade de rades pour suivre le match CA - ESZ et ce jour là même avant le match j'ai réalisé que le club africain allait être champion coûte que coûte et ce pour une simple raison: le publicccccccccccccccccccc!!! vraiment même la police voulait que le ca remporte le sacre pour que rien de grave ne se passe sinon ça allait devenir une guerre civile (dejà vous avez vu les scenes apres le match)!! et ça fait vraiment mal au coeur tt ça!! En fait je pense que toutes ces charges et ce manque cruel d'esprit sportif, ce language de guerre qu'on ne cesse d'entendre... sont dûs à l'état de manque d'expression chez le peuple et surtout chez les jeunes....

Legend Of The Fall a dit…

يعطيك الصحة. آش خصّ كان يفهموا آش معناها أملاك و منشآت ملك المجموعة و آش خص زادة كان يفهمو اللي هذاكا الكل مبني بفلوس الضرايب اللي انخلصوا فيها بكلنا

من المفروض إنو الرياضة أخلاق و روح رياضية و تسامح لكن للأسف ولاّت الرياضة فرصة للكره و الحرب مش في البلاد برك و إنما حتى بين الشعوب

Soufiene a dit…

Si on veut vraiment etre neutre, il faut tout condamner. Je ne crois pas que seul le publique de l'ESS est fouteur de merde dans ce pays.

Des supporter de l'EST ont casse la crane d'une fillette de 5 ans dans la station de payage d' Ennfidha et ils ont tout devaste et tout pille.

Pourquoi tu n'en parles pas?

Anonyme a dit…

Vous parlez du mach CA-ESZ de l'année dernière et comme quoi le public du CA allait tout cassé si le CA ne gagne pas !
J'y étais et ce n'est pas vrai, il y avait c'est vrai 60000 supporters du CA, parce que c'est le public le plus fidèle, mais la perte du titre n'aurait pas déclenché une guerre civile comme vous le dites.
D'ailleurs, le CA a perdu plusieurs coupes de tunisie durant les 20 dernières années (CAB, COT, CSHL, 2 ou trois fois contre l'EST, contre le ST) et jamais aucun incident grave n'a été signalé.
Le Public du CA avec celui du CSS est le plus correct parmi ceux des grandes équipes.
Merci de m'avoir permis de m'exprimer
Mohamed

Kassus a dit…

Salut :) Je voudrais t'annoncer l'ouverture de notre site Tunisianet.com.tn.

Nous sommes spécialisés dans la vente en ligne de matériel informatique en Tunisie. Nous aimerions avoir l'avis de quelques blogueurs Tunisiens afin d'améliorer nos services.

Si tu veux, tu peux m'envoyer un message sur kais.turki ((at)) tunsianet.com.tn

Merci d'avance !