Les fidèles du Boukornine

dimanche 7 décembre 2008

عيد ميلاد مدونة بوقرنين !




أنا خوكم ليوم زاهي الجمعية رابحة...
ربح جاب ربح... الماكينة بدات تدور ومعاها ربي الهمهاما!
والدنيا كي تحل، معلوم أنها البيبان الكل تتحل مع بعضها...
أيام تمشي وأيام تجي. ليوم عندي عام كامل معاكم...
أول موضوع كتبتو كان ما خانتنيش الذاكرة، كان يحكي على الحرقة نتمنى عمرها ما تطفى الحرقة إلي تنتابني كي نقعد نهارين ما نكتبش :)

كنت عايش في الجاهلية والتدوين ضوالي حياتي وفهمني إلي كل إنسان ما دام يدون يساهم بطريقتو الخاصة في إثراء الحضارة الإنسانية وفي تغيير العالم ولو بقسط قليل...

ما دامت وسائل الإعلام في بلادنا بودورو ما دام التدوين حاجة أساسية في حياتنا لا تقل أهمية عن الخبز أو القازوز...

وأهم حاجة الحقيقة أنو الواحد تعرف على ناس طقاطق جمعنا التدوين ولمنا حبنا للحق...
من ولد بيرسا للبانتير روز مروراً بولادة والدوعاجي وبيرسا أونلاين والبيغ تراب بوي والبارباش وارابيكا واللاكيست والفوريير وغيرهم وغيرهم ناس كي نقراهم نعمل ستة وستين كيف...
وتلقاني نقرأ وشايخ شيء ما نراه لا في صحافة مكتوبة لا سمعية... أنا خوكم ما عادش نقرأ لا جرايد لا مجلات...
ما نعرف كان تن بلوغ...
وعلى فكرة، موضوع هام مازلت ما حكيتش فيه هو موضوع جمعية التدوين.
أنا يا ناس مساند ألف في المئة لهذا الإقتراح وقلم واحد ممكن يجي النهار ويتكسر أما ألف قلم عمرو ما يوفى...
تبقى فما شوية مشاكل لجعل من هذه البذرة شجرة، يظهرلي كبار وانجموا نتجاوزوها...
وأخيراً انشالله عيدكم مبروك وكل عام وانتوما حيين بخير ملمومين مجموعين وراء نفس اللواء إلي مكتوب عليه بالكبير:" أدون إذن أنا موجود"...

11 commentaires:

ferrrrr a dit…

مبروك

zahraten a dit…

koll ssana ouenta 7hay bkhir et 3aidek mabrouk

khil we lil a dit…

مبروك عامك الأول في التدوين و نتمنالك سنوات و سنوات في هالتجربة الحلوة اللي ما عليها لا رئيس تحرير يقلك برة عاود أقرأ لوحتك و لا رقيب ينقصلك منها.عيدك املة عيدين عيد "خروف" و عيد "حروف" كانك من الخروف يتشوى و يتقدد و يتمرقز و يتنسى،أمّا الحروف"تبقى شاهدة ليك و عليك. المهم أعيادك مباركة.

Anonyme a dit…

joeux anniversaire , aidek mabrouk, et aussi tora tora w kaboura.... ( et je ne sais pas comment ça finit cette chanson !)


un externe qui stresse a un mois des exams ;-)

ولد بيرسا a dit…

كل عام و المدونة متاعك بخير، و كلّ عام و حمام الانف بخير و كلّ عام و انت معانا يا خليل يا معلّم :-)

البرباش a dit…

إن شاء الله كل عام و انتي و مدونتك حيين بخير

Khalil a dit…

شكراً لكل الأصدقاء !
مرحبا بيكم ودامت البلوغسفير منورة بيكم !

princessTanit a dit…

joyeux anniversaire khalil ! inchalla kil 3am wenti etol 3lina bi bougarnine ou fi bougarnine :)

MeHdWiCh a dit…

Nchallah Koll 3am w Boukornine 7ay Bkhir :)

pink_panther a dit…

nchalla beddwem!

Mourad a dit…

yé 5ouya nchallah kol chay bl barka w l3a9ba lma aham :)