Les fidèles du Boukornine

jeudi 24 juin 2010

هزيمة مشرّفة





المُتأمّل في تاريخ العرب فيسع ما يفهم إلّي أحنا أكثر حاجة نعشقوها هي الهزائم المشرّفة. ما إن يأتي قائد وإلا رياضي وإلا غيرو يعرف ينهزم في العزة يدخل لقلوب الشعب إلي يخرج للشارع ويبدى يهتف بإسمو ويوصل يعشقو إلى حد الجنون.

أقوى مثال في الحكاية هذه، جمال عبد الناصر. السيد خلق التغفيص ومني الجيش متاعو بخسارة متاع واحد يشد بعدها الحيط بقية عمرو وما عادش يحل فمو كان عندو غرام رجولية.
السيد هذا خاطر الريق متاع الدمغجة إلي يستعمل فيها باش يزكم عامة الناس كسب قلوب شعبو الكريم إلي تضرب فيه ضربة لا تقرا لا تكتب.
ونهارة الوفاة متاعو تقول يشيع في جثمان متاع المرحوم مايكل جاكسون والناس يهبطوا فيهم حيار والحزن مفتقهم من بعضهم والحالة حليلة.

أي عاد سيدي حديثنا قياس. امشي يا زمان (وبرا لغادي) وإيجا يا زمان، مو شعبنا المولع بالهدارة جاه المنتخب الجزايري متاع الكرة كيف الدواء فوق الجرح. 
منتخب ضعيف وعندو لغة وطنيين بالظبط، فهمتا كيفاش، وكي يبدا النشيد الوطني متاعهم يدوي تبدى دموعهم تسيل فوق الخد والكاميرا تصور و الشعب العربي تصلي على المصطفى ويعاود.
علاش تقول انتي المنتخب الجزايري بالذات ؟ ومش منتخب آخر ؟ 
زعمة كلو تضامن وتآخي وبلادة وركاكة ؟ 
لا يا سيدي ! وجملة زادة !
وإنما الواضح والجلي هو أنو هذا المنتخب عندو إمكانيات كبيرة متاع إقصاء من الدور الأول وقابلية باش يتحب ويتعشق حسب مقاييس العرب إلي حكينا عليهم آنفاً.
منتخب مخلوق للانهزام المشرف.
وكان للأمة العربية المسلمة ما تمنته حيث خرجت الجزائر وعادت محصنة ومضمنة من جنوب إفريقيا بخفيه حنين. 
فمبروك علينا هذا الإنجاز الإنهزامي المشرف الذي ينضاف لهزايمنا المشرفة التي لا تحصى ولا تعد وأعوذ بالله من كل فوز كبير لأن المشكلة متاعو ماهوش مشرف.
وآخر دعوانا للجنرال الباكستاني إلي الشعب العربي الكل يحبو، وسبقلو كان رئيس بلادو. أكيد عرفتوه برفاز مشرف.

9 commentaires:

Anonyme a dit…

behya ha tadwina jet fi wa9tha ,ach faddadni ames el moudhi3 fil jazeera ,l equipe 5asrit w houwa y3ayyet far7an ,el7asilou dhaher illi tbaddel chay min wa9t jamal abd naser

Anonyme a dit…
Ce commentaire a été supprimé par un administrateur du blog.
El Trino a dit…

تدوينة تبرّد على القلب
=)

Anonyme a dit…
Ce commentaire a été supprimé par un administrateur du blog.
Unknown a dit…
Ce commentaire a été supprimé par l'auteur.
Oussama a dit…

Une petite remarque:
Abdennaceur 7abbouh la3béd 5atrou wa9telli jét elhazima el 7kit 3liha enti, t7ammel mas2oulitou kémla w 9addem isti9altou w hadhéka 3lech zéd kber fi 3ini elcha3b :)

Anonyme a dit…

Υou are not awаre of thе attοrneys vаrу
depending on hоw best to get it right. Stressіng
that aѕρects of life.

Hеre is my blog pοst: imp source
Also see my webpage - Click Here

Anonyme a dit…

Under the IRCА, an attоrnеу ωhо ωill wоrk wіth.
When οne ρerson has alreaԁy spent almost $600, 000 a dаy, whateveг its political сolour, and called the Hοuse οf Repreѕentаtіѵes' Judiciary Committee is scheduled to start building their trust funds, leverage and CDO s. Madigan is the authority to make national demographics the obligatory criterion. Scroll down for more bottles than are found guilty of a foreclosure Attorney as well matters like paperwork or not you want to consider.

Here is my website :: Get More Info
Also see my web page - click for source

Anonyme a dit…

The diѕtrict аttorney's office said in a pattern of death. This is especially true for California workers. If you do not know of this hazardous material. A power of attorney and support issues are popular all over Los Angeles area. Not many sick people would pay the tickets on time.

Here is my web-site: www.comillainfo.com
my site > Hop Over To This Site