Les fidèles du Boukornine

dimanche 11 mai 2008

قالك شنوا كنت نكون ؟

قبل كل شيء نحب نشكر بصفة خاصة الطفلة ضحى والسلط المعنية وزادة إلي ما يهمهاش
...إن كنت شجرة فما هي ؟ زيتونة فارعةٌ جذورها... ما يحركهاش الزمان...
إن كنت أكلة فما هي ؟ صحين كفتاجي إلي ينجم يكون خير سفير لتونس في أي بلاد في العالم
ان كنت زهرة فما هي ؟ زهرة السيكلمان رمز من رموز الهمهاما وجبال بوقرنين.
إن كنت قرية او دشرة او حارة فما هي؟ الهمهاما بالطبيعة... مدينة البايات سابقاً... و أحلى بر في تونس كلها...
ان كنت قصيدة فما هي؟ قصيدة الشابي إلي يقول فيها:
سوف أتلو على الطُّيور أناشيدي، وأُفضي لها بأشواق نَفْسي
فَهْي تدري معنى الحياة ، وتدري أنّ مجدَ النُّفوسِ يَقْظَة ُ حِسِّ
ان كنت شخصية تاريخية فمن تكون؟ الحبيب بورقيبة
ان كنت شخصية خرافية فمن تكون؟ غول لا يتقيد بزمان ولا مكان
ان كنت شخصية قصصية فمن تكون؟ دون كيشوط...
ان كنت حيوانا فما هو؟ أسد... آهوكا ديما راكش وقالوا شنوا ملك الغابة...
ن كنت حليا فما هو؟ نكون سلسلة ذهب في رقبة أحد ولاد حمام الأنف إلي حرقوا إلى جينوفا...
ان كنت لباسا فما هو؟ نكون سروال بالقندليسة لأنه إلى يومنا هذا لم يتم إكتشاف سروال ارتاح منو...
ان كنت رائحة فما هي؟ نكون ريحة البلاد إلي ما تشمها حقاً إلا إذا غابت عليك ورجعتلها بعد غياب طويل.
ان كنت موقعا؟ نكون قصر الباي في حمام الأنف إلي تم إهماله بعد الإستقلال عوض أن يصنف كمعلم أثري...

نوجه بدوري الدعوة إلى كل من: مهدي
لا بانتار روز
قنزو،

1 commentaire:

Dodo a dit…

Ya3tik essa7a si hamhama :)
qq points commun: chojra 3alya médda 8sanha mayza3za3héch iri7 wil mtar...
Bourguiba yer7mou, yesssssssssssser n7ebou
wri7et lbléd zéda...
b5atrek... A3mel tala lyoum wala 8odwa fama 7aja t5ossek fi blogui... ;) ;)