Les fidèles du Boukornine

vendredi 12 février 2010

يا سوسن يا معالج: سايسلنا ع الشعب



والله أنا نرى روحي كإنسان بايع الدنيا بلفتة، ناخذ العباد كيما هوما، ما نراش مانع في التنكيت الدائم والتفصيص المستمر في إطار توفير حياة (ليس إلا زيرو نيترات) جوها باهي وهكا يتعدى الوقت بأقل أعصاب وأقل فدة.
ما عنديش مانع في التنكيت بلغة تحت الحزام، النكت المالحة ما تقلقنيش إطلاقاً.
بصراحة، كلما نرى مسرحية وإلا في فيلم لقطة فيها جرأة، ما تظهرليش تصدم خاصةً كي تكون تابعة الفكرة العامة للسيناريو ويكون التطرق فيه برشة حس فني.

هذه كل مقدمة باش نقول من الآخر إلي أن نعتبر روحي متفتح ياسر ومانيش من النوع إلي يتلكش على الفنانين بإسم الدفاع عن الفضيلة وتحت لواء مسلمون بالضبط بدون حدود. أما برجولية سوسن معالج في منوعة ناس نسمة وقفتلي مخي في السكاتش إلي عملتو في حلقة الأسبوع الفارط كيف استضافوا منير الطرودي...
شبيها هبلت ؟ نورمال تحكي؟ "نص ميترو في كلسونو" ؟ شنوا المستوى هذا ؟ يا سوسن يا بنت معالج  !
ما نصدقش... كان أنا قاري ومتفتح ومن الجيل إلي يتفرج في التلفزة الأجنبية أكثر من العربية ونقول هكة؟
مالا شنوا يقول بربي المواطن المحافظ (وهذا من حقو ) وإلي قاعد يتفرج مع بنتو (وهذا من حقو زادة) في نسمة تي في وإلي يوصلوا هال السكاتش لبيت الصالة برداً وسلاماً...
آش يقول مسكين ؟ آش يعمل ؟
وينو إحترام المتفرجين ؟ ويني مراعاة مشاعر الناس؟ وإلا تحت شعار الحرية والإبتعاد عن الرجعية والتشدد ندخلو في قلة الحياء ؟

11 commentaires:

تونسي a dit…

نص ميترو في كلسونو!!!!!!!!!
هكا قالتها؟!
حتى أنا عمري ما كنت نتصور روحي نهار نحكي بلوغة عيب و ما يجيش منو. في بالي بروحي متفتح ياخي هاو طلع فما شكون متفتح أكثر مني.
اما عادا هكا ولّى تجوبير ما عادش يضحّك.
هاو خطار كان من هنا لعامين ثلاثة ما يوليوش مسلسلات رمضان يحكيو مالحزام اللوطى. تلقاك تاكل في البريكة و ال*** تخبط

H.B.J a dit…



اي شبيه خلي تعبر بحريه نرمال

بالعكس سوسن طياره بكل المقايين الفنيه و الابداعيه

عامله في ناسن نسمه 20 شخصيه و لا وحده تشبه الثانيه لو جات سوسن في مصر كراهي اقوى من عادل امام غير الوقت .

Anonyme a dit…

غير ترمتك مش غير الوقت

Anonyme a dit…

كلام سوسن معالج مستوحى من انشودة شعبية ساخرة على المرحوم بورقيبة كنا نرددوها و نحنا صغار في اوائل الثمانينات، و تبدى ببيت يقول:
سيدنا الحبيب ربي يصونو *** نص ميترو لاستيك في قلصونو

RMI a dit…

arretez de traiter hbj comme une merde, vous ne faites que lui donner de l'importance comme ça

Anonyme a dit…

Loin des réserves d'ordre éthiques ou alors religieuses la blague ou la chanson de Sawssen Maalej etait de mauvais gout, point à la ligne.

Profilo a dit…

Je ne vois pas c'est quoi le problème. On a le droit de dire une blague et elle n'a ni montré un sexe ni dit un gros mot et tt ça on le voit dans la rue sans que ça nous choque.Chacun est libre vous n'êtes pas contents zapper

Anonyme a dit…

Vous voulez la vérité: le sketch de sawsen maalej (il est vrai qu'il a été déplacé surtout si on sait très bien les gens qui attendent cette chaine au tournant)était un prétexte qui est tombé du ciel pour ceux qui sont contre le concept de la chaine à savoir "chaine du grand maghreb".
Ces personne qui sont très connu sur facebook et sur la blogsphère (3amrouch, titof, karim mokhtar, tomy chelly, med sghaier dridi.....) ont formé un clan arabo-islamiste pour contrer toute forme d'unioon ou rapprochement maghrébin au dépens du suivisme idéologique, religieux et artistique au moyen orient, égypte et pays du golf.
Ces personne qui sont en train d'orchestrer une campagne de mutiliation à tout ce qui a rapport avec le mot "amazigh".
Ces personne veulent que le projet maghrébin reste noir sur blanc, ils veulent garder seulement de ce projet l'appelation "maghreb arabe" pas plus.
Ces personnes sont en train de défendre l'égypte farouchement et dembellir son image pour qu'on reste sousla tuelle de ce pays et de l'orient en général. Ces personnes sontn en train de diffuser intelligemment des idées salafistes et islamistes (pas musulmanes).
SVP, réveillez vous et soyez vigilant.

H.B.J a dit…



Bravo Anonyme

Anonyme a dit…

il te faut nous mitro dans ton cul ya sawsin ,seulement les putes qui parle devant le public de cet maniere ..., mala rwaye9

Anonyme a dit…

I'm curious to find out what blog platform you are working with? I'm
having some minor security problems with my latest website and
I'd like to find something more secure. Do you have any suggestions?

my web-site; linkuj.adult.cz
my web site: quantrim scam