Les fidèles du Boukornine

mercredi 3 juin 2009

عاشور الناجي دون والله معاك. ولا على بالك بيهم !


أمر خطير في البلوغسفير التونسية، حملة كاملة على مدون أعزل خاطر سمى روحو مسلم سابق، خاطر عندو آراء ضد الإسلام.
أنا بيدي شخصياً كمسلم نؤمن بربي، ما يعجبنيش كلامو، أما شنوا باش نعمل ؟ نشن حرب دامية على شخصو ؟
مو لا بأس ؟
كل واحد حر في الخربة متاعو.
نلوموا على عمار ونحنا ننادي باضمحلال بعض الأصوات.
المستوى في البلوغسفار ماشي وينزل.
التدوين التفاعلي هذا، تشليك للتدوين ككل.
ودون يا عاشور، كيما قال فولتير:" لا أوافقك في ما تقول لكنني سأفعل كل ما بوسعي كي تسطيع قوله"

27 commentaires:

عاشور الناجي a dit…

الله يخليك خويا العزيز ،

لدفاعك على حرية التعبير موش على عاشور ذاته

و وقوفك ضد سب و تمرميد الأشخاص بصفة عامة

و أنا زاده مع حق أي حد ينتقد و حتى يسب أفكاري ، أما النزول للمستوى الي وصلناله ، فبدون تعليق خير

ولد حومة الشط a dit…

داخلها فرنتس يا بوقرنين و ماك فاهم شيء
سيب عليك من الكوازي
تخياتي

Khalil a dit…

achour you are welcome.

Weld houmet echatt:
trah expliques nous et éclaire nos lanternes.

Anonyme a dit…

ههههه مدون اعزل
الي يسمعك تحكي يقول الراجل هجمو
عليه بالمولوتوف والشتاير
علاش ماعندوش مدونة يدافع فيها على روحو
حاول تختار الفاظك بدقة على خاطر الي تحكي عليه تنتفي فيه صفة اعزل
@السيد سيء الذكر قداكش منافق و رخيص
توا وليت تحكي بالله يخليك و تستعطف في العباد
قالو و أنا زاده مع حق أي حد ينتقد و حتى يسب أفكاري ، أما النزول للمستوى الي وصلناله ، فبدون تعليق خير
حرية التعبير ما تعرفش حدود و كان على المستوى فانتي اخر شخص يحقلو باش يعلق على المستوى فلذلك شد الصحيح في حكاية بدون تعليق خير
وعملا بمبدا كل واحد حر في الخربة متاعو
فانو الهجوم على فلان الفلاني زادة نوع من ممارسة الحريات

Ashistic a dit…

انا بيدي بغض النظر عن قناعاتي الشخصية، ضد التفوريخ التدويني بكل انواعو و مهما كان ضحيتو، حيث في عوض النقد البناء للفكرة اصبح التدوين مجرد تنابز بالالقاب...

Anonyme a dit…

خليل هذى وقفة للحرية تتحسبلك ، يا ريت المدونين الكل يفهمو كيفك

Anonyme a dit…

بالفعل هذي وقفة تتحسبلك
زيد وقفة اخرى و تربح وصل شراء قيمتو صوردي منقوب

mouaten a dit…

اي شبيك انونيم انتي توة؟ لازم حاشم من انضمامك للمؤامرة على الحرية، تتحسبلك حتى انتي.
وقتاش نوليو الي يحب يعبد ربي يعبد ولي يحب يعبد بڨرة يعبد ما غير ما يعبدولو وجهو؟ وقتاش الي يحب يلبس باش ولي يحب يلبس سترينڨ يلبس وما يجي يكرزو حد؟ يزيونا مالركاكة، تي علاش وسيلة الإقناع الوحيدة الموجودة هي سبان كل من ما يخممش كيفي؟ ونلومو على الصحافة بودورو؟

ولد حومة الشط a dit…

يا بوقرنين كي قتلك داخلها فرنتس نقصد انو المساندة الواجبة لحرٌية التعبير تفرض انوالواحد يتحرى .عاشور ناجي في جانفي 2009 يسب في الشعب الفلسطيني يوميا. و يساند في اسرائيل بالمكشوف
انا لا اساند مثلا الخطاب السلفي و لا العنصري
و حرية التعبير ما عندهاش دخل

Anonyme a dit…

سي المواطن يبارك فيك الكلام التي تقول فيه خطير ياسر.
كان مافي بالكش هذا منبر حر لتبادل الافكار
يا اخي كان راي ما يعجبكش تقوم
تتهمني بالركاكة
شنوه هاالارهاب الافتراضي و القمع للراي الاخر
وقتاش نوليو نقبلو اراء بعضنا
تي علاش وسيلة الإقناع الوحيدة الموجودة هي سبان كل من ما يخممش كيفي؟ ونلومو على الصحافة بودورو؟تو هذا كلام بجاه ربي
يا اخي اعطني حريتي اطلق يديا

mouaten a dit…

شديتهملك انا يديك؟
لا يا سيدي قلت يزيونا مالركاكة ما قلتش يا انونيم يزي مالركاكة واسم الله عليك ما قصدتش نجرح مشاعرك بالكلمة هاذي.
ومرحبا بالمدونات الكل، حتى متاع سي نوفل.

عاشور الناجي a dit…

ولد حومة الشط الي قنبلت عليها اسرائيل

انت تكذب و سفيه لأنك تعرف روحك تكذب و انا موش نسب فيك لكن هاذي حقيقتك لأني عمري ما سبيت الشعب الفلسطيني

بالعكس : قلت ان لحمهم هو لحمنا وقت رخص

و حماس ماهيش -عندي أنا- لا مقاومة و لا تمثل فلسطين بحيث يزي من الكذب و احشم على روحك ،

فعلا مصيبة الي ما يقرالكش أما يحكم عليك من خلال راي واحد آخر قرا لك أما ما فهم شيئ.

عفوا خليل على ها التدخل أما شيئ ينطق،

سجين a dit…

@Anonyme
انت "قصة اونلاين" متخفي !! لانو تابعت مدونتك اثناء انتقادك لشخص عاشور
واسلوبك في الكتابة كشفك
حتى اذا كان عاشور ملحد ما عندكش الحق تسبوا لانو انسان وشكون الي قال الي انت
معتقدك اصح!! هل لانك من الاغلبية المتدينة تعطي لنفسك الحق في سحق الاقليات!!!
اليست هذه عنصرية!!! انحن الجيل الذي يوثق قانون الحريات المدنية بهكذا عقلية!!!
ماذا سنفعل بالقلية اليهودية!!! نطرهم من وطنهم !!!
يعني الواحد يبهم كيفاش مازلت ناس اقصائية هكا...ويحبو عمار ميصنصرش

مالا انزل يا عمار وازدم بالباشي لانو لازمنا الاول نفتكو حريتنا
بش نحس بيها ونقدسوها عندنا وعند غيرنا

Anonyme a dit…

سجين شكرا على هذه المجاملة يشرفني انو اسلوب كتابتي يشبه اسلوب قصة اون لاين
لكن منيش قصة او الكلندو كيفما يتصور عاشور
http://binelwedyene.blogspot.com/2009/06/blog-post_03.html#comment-3214648752029986086
يظهرلي فيك انتي زادة مغروم بالتنجيم كيما السيد عاشور ايا امالا اخلط على خوك عند العطار الي باعلك الكرة السحرية متاعك و طالب باسترجاع المبلغ انت زادة هههه
ملاحظة: صلح معلوماتك قصة راهو علماني

3amrouch a dit…

خليل
عجبتني دون و والله معاك معاك هههههه
تتحسبلك فعلا هههه
ياوالله احوال

Khalil a dit…

يا عمروش كل حاجة في بلاصتها، حرية التعبير حق مقدس. وإنتي أكيد تعرف إلي لا تزر وازرةٌ وزر أخرى

3amrouch a dit…

ياولدي شكون جبد حرية التعبير هوني؟
وموش باهي راو انك تختزل الموضوع في علاقة حلبودة بالدين
اولا كلندو ماهوش يدافع على الدين وعمرو ما حط روحو وسيط او مدافع و عمرو ماتعرض لحلبودة على اساس انتمائته
ثانيا وعلى حد علمى قصة انولاين له انتماء يساري ومايحملش كل ماله علاقة بالخوانجية ومن لف لفهم وفضحانو لحلبودة كان على اساس القناع الي هو لابسو ومتنكر بيه ومساندتو لاسرائيل وقت الحرب تحديدا

ولذلك عيش خويا متبداش تجمع وتجمع وتحط الناس الكل فرد صحن
راجع الفيلم من الاول وحاول تكون محايد موش باهي شوهة بالفارغ
امى نرجع ونقول فازة دون وربي معاك تتحسبلك ههههه
كيما فازة هاك الزوز سراق ماشيين يسرقوا في الليل قالوا انشاء الله ربي معانا ومايفيقوش بينا هههه

Khalil a dit…

أنا نقول الحق، ما عنديش إطلاع على إلي صار قبل وقت حرب غزة. والمفيد كي عجبتك الفازة وإلا كي تحسبتلي وإلا حسبتهالي انتي

3amrouch a dit…

لا خويا خاطيني منحسب لحد ومنحسبهاش جملة
فقط عجبني حماسك المفرط حبيت فقط نلفت النظر متاعك انك ماشي في ثنية غالطة

eddou3aji a dit…

موافق مرّة أخرى فرد جمعة ههههههه

البرباش a dit…

ههههههه... حلوة هذي

أعرف وين تحط ساقيك يا خليل يا خويا

ما يغرّكش "معسول الكلام" هههههه

;-P

الحلاج الكافي a dit…

إسمع الكلام يا خليل هاهم الواعاظ الجدد متاع تونس ينصحوا فيك..وما تدخلهاش فرنتسي كيما قالوا...يا و الله حوال من بوليسية التدوين...عمار ديمقراطي عليهم

Khalil a dit…

مهما يكون قال يا البرباش، يقعد رأي من بين الآراء إلي نحترمو على اختلافي معاه، وكلمتي نقولها يا خويا مانيش باش نقعد نحسب في عمروش يتنبز من كلمة دون يا عاشور والله معاك.
وبالمناسبة ما عندي حتى مشكلة مع ديانا ماقازين زادة إلي صارت الحملة عليه توا مديدة ولا نوفل وأصحاب اللغة الخشبية قبل بشوية (ولو حرموا عليا الوطنية وسبوني)
في الدنيا هاذي كلنا كارين، وما يجيش كاري يستبندى على كاري حتى كان الكاري يساند في إسرائيل في العدوان المشين على غزة.
هذا رأيي وأرجو الإحترام، والله ورسوله شاهدين على صفاء النية.
الحكاية هذه ذكرتني في فرنسا إلي تدعي أنها هي عاصمة الحريات كيفاش أي إنسان يسب إسرائيل يولي منعوت بالصبع وفيه العيوب السبعة وحتى وسيلة إعلام ما تعيطلو. حرية جايزة في جهة وممنوعة في الإتجاه المعاكس.
أنستو

Big Trap Boy a dit…

أضم صوتي إلى صوتك يا سي خليل

عاشور من أحسن المدونين التونسيين في رأيي الخاص حتى وإن إختلفنا معه حول بعض النقاط

هذا واقع لا يمكن لأحد إنكاره ولعلّ الحملات المعادية هي دليل على نجاح مدونته وأهميتها

Amira Yaakoubi a dit…

bien dit khalil!

Khalil a dit…

big trap, hallej, pink, eddou, metallistic et tous les autres merci d'être là pour soutenir la liberté d'expression.

جلاصي أممي.. a dit…

مساندة لعاشور في قول ما يريد لا مساندة لما يقوله