Les fidèles du Boukornine

dimanche 17 janvier 2010

حتّى أنا مدوّن وطنيّ

توّة مديدة كبيرة و أنا غايب و موش لاهي بالخنّار إلّلي قاعد يصيرفي ها البرّ.
أما فمة كلام لازم يتقال.
من أقصى مظاهر التّخلّف تخوين الرأي المخالف و الإدّعاء إحتكار الوطنيّة.
توّة مدّة دخلوا معانا في البلوغوسفار جْمَيْعة يمثلوا في التيار التجمّعي و فيسع ما طاحوا يعطيوْ في الدروس للعباد ويخوّنوا و يعطيو في شهايد الوطنية لكل من ينضمّ فرحًا مسرورًا لظاهرة الشكر الأعمى.
أنا شخصيّا تْسَبِّيت ولكن والحمدلله لا تربيتي لا أخلاقي لا قرايتي يسمحولي باش نطيح للمستوى هذا.
فمة برشة ناس تدّعي حب تونس خاطر قاعدين يتمعشوا على ظهر الشعب و مساعدتهم الحكاية.
ملخص الحديث هذه تدوينة مساندة للمدون تيتوف و محاولة منّي باش نْعقِّل "المدونين الوطنيين" فماش ما يهديهم ربي و ينقصوا من التبوريب والرّيق البارد.
ماهمش يحكيو مع كمشة جُهّال باش تجد علينا لغة إلي الوطنيّة هوما خلقوها وهي حكر عليهم.
يا تقدّروا المخاطبين متاعكم و تقدّروا آراءهم يا أقعدوا سبوا العباد وأعملوا القائمات متاع الخونة في عوض ما تتلهاو بالرسمي.

يزّينا ما ضحّكتوا علينا عباد واحنا ساكتين.

ها البلاد المباركة مش متاعكم. ها التراب مش مكتوب باسمكم. تونس بلادي وبلاد كل التونسيين (تظهر بديهية الحكاية أما بالنسبة ليهم صعيبة فهمها)
هيا بخاطركم، عندي بزايد تحدّيات حتى أنا باش نرفعهم.

وانشالله تكون وصلت للمعنيين

14 commentaires:

bent 3ayla a dit…

مرحبا برجوعك.. ولو العنوان خوّفني شوية. ربي ستر
و يرحم فمك في ها الكلمتين، تقولش شكون يتمزى علينا الي تولدنا توانسة
نحن امّالي البلاد مش كراي

Anonyme a dit…

yeslam bo2ak!

Youssef a dit…

هاو رجعلنا الدكتور بنقشاتو :)

ياخي ما فماش إضافة متع الفايرفوكسك تنحي نوافذ الإشهار والإعلان ؟ خلي الواحد يصبها ويرتاح مالقفة 2.0 ;)

البرباش a dit…

مكش وحدك...

titof a dit…

شكرا خليل عالموقف الي يتحسبلك

مفعوص زرداشتي a dit…

سياسة يا معاي يا ضدّي هي اصل البلاء..ما ينجمش الواحد يعبّر عن رايو باستقلالية ما غير ما يلقى شكون يردّو خاين و ناقص وطنية و مهبول في بعض الاحيان ..
انا بصراحة فديت ..نحل تن بلوغز قولش علي حليت تونس سبعة و لا جريدة الحرية ..ولينا ضحكة بصراحة

Übermensch a dit…

انا لتوة لفهمت كيفاه ينجم يعطي لروحو صفة "وطني" ؟؟ كاينو قال "انا شجاع" و الا "انا كريم"... يظهرلي الصفات "النبيلة" لعباد هي الي تُسندهالك بناء على أقوالك و أفعالك، موش انتي تبدى قاعد لا طاح لا دزوه تهبط تمدح في روحك !!

kacem a dit…

إنت مدون وطني و نص !

1- حكاية التن -بلوق هذه ! لازمها حل جذري ..بالحاق ! و لازم من الكونكيرونس متاعو ...و لذلك لازم من فضاء جديد ! أكثر قدرة على الخلق و الآبداع ...! هذا مش خوف و إلا حقرة من و إلا للمدونين الواطانين ..لا ابدا !! و لكن تجاوز ...باش إنزيدو أنحلو الفضاء أكبر و أكبر ...اليوم لازم من الكاليتي ! لازم من المحافضة على الذوق ...و لذاك إنقول بالي ..تن-بلوق إنتهى الوقت متاعو ..و لازم من المرور لحاجة أخرى ..أحس ..تونزين و ما أدراك و أتجاوزها اللآمر !! فما بالك ! بهذا الشيئ !!!

أبعثولي ..اش تستحقو ...و أنا حاضر ! لكل شيئ ...السيت و الفلوس ما عليكمشي ...حاجتنا كان بالواب مستر ..و المعونين متاعو

تحياتي

H.B.J a dit…


اذا الكلام في المقال موجه ليا فانا ادعوك انك تقرأ هذه المقالات الساقبه اللي كتبتها هنا.

http://patriotetunisien.blogspot.com/2009/12/blog-post_6074.html

يلتبس مفهوم ألمعارضه في أذهان التونسيين فمن البديهي التأكيد أن المعارضين السياسيين ليسوا كلهم خونة.. بالعكس ففي ألمعارضه التونسية مناضلون شرفاء و لسنا في هذه المدونة المتواضعة بالموقع المناسب لتوزيع أوسمة الوطنية أو اتهامات الخيانة .

AntikoR a dit…

Chwaya publicité :
el kollna njiw lel groupe mela w n9oulou :
في تونس: الكلّنا توانسة و الكلّنا وطنيّون

Khalil a dit…

حميدة أنا وإنتي والناس الكل نعرفوا إلي الحقيقة مختلفة تماماً. ونقصد فيك انتي وفي واحد صاحبكم إسمو صابر وفي نوفل المصري.
سؤال كي واحد بلادو تفتقو من بعضو ما عندوش الحق يوصل الحكاية لمنظمات تدافع على حقوق الإنسان مع العلم إلي ها المنظمات غير حكومية وما عندعهاش جنسية. وما ترحم حد.

H.B.J a dit…



bien sur men ha9ou la question de droits de l'homme est internatinale et sans frontieres

mais il doit tout d'abord essayer de prendre ses droits par recours a la justice de son pays

ce que je remarque moi c l'utilisation de cette question par certains pseudo opposants pour des buts politiques , en plus des fois c des mensonges sans preuves

Anonyme a dit…

When I initially commented I clicked the "Notify me when new comments are added" checkbox and now each time
a comment is added I get several e-mails with the same
comment. Is there any way you can remove me from that service?
Thanks a lot!

Here is my web-site; click here

Anonyme a dit…

rosacea treatment Mishawaka

my website laser treatment rosacea New Goshen