يا عصام يا ولد الشوالي براس الحنينة إرتاح ورتحنا

عصام الشوالي معلق رياضي ظاهرة في العالم العربي. عندو طريقة خاصة بيه في التعليق فيها برشة حماس (موش متاع غزة) وبرشة عياط وصياح والجمع بين عدة لغات والعديد من اللهجات. الحاصيلو، تبدى مقابلة تنعس حاشاكم البهيم على خريتو ويبدى السيد يتفاعل وحدو تقول الجيش الجمهوري متاع صدام يطيح في الآف-16 كي الذبان...

في مختلف أصقاع العالم العربي (متاع وذني) وقع تكريمو لأنهم يعتبروه أحسن معلق رياضي موجود على الساحة (هو وفاطمة متاع ع الشيباني وسع).
وزيد على هذا الكل ها الشخص هذا، تابع لقناة غاية في البلادة متعشية بالدنيا ومتسحرة بالآخرة. قريب باش تكتبلك:"حصرياً البطولة الصومالية على قناتكم المفضلة" ولينا في جرتها كلنا محصورين، ضربة ضربتين ندخلوا نجريو للمرحاض.. حتى من مباريات المنتخب الوطني التونسي يا بو قلب، "حصرياً على قناة...آ.آر.تي الرياضية".
توا يقول القائل، ما دام عندهم الفلوس آش حرق شعيري أنا ؟ حقهم المشروع باش يمرجولنا الكبيدة متاعنا ما دام أجيابهم رزان ياسر..

لكن يا أخي، تجي تفرض عليا معلق مريض بأعصابو كي تسمعو درج يركبلك الستراس، واحد يعلم بيه ربي، بين طلب العلم والخلاص متاع مختلف المعاليم متاع جودة الحياة.
شيء ما قالش بيه ربي...
والمشكل إلي الناس الكل تهلل وتبارك في هذا "الإبداع" مما خلى خونا عصام يزيد يكثر على ما وصاوه عملاً بمقولة ضحكولوا تمد على طولو.

هو كي تجي تشوف في قناة تونس سبعة، عندنا مخلوق عجيب إسمو توفيق العبيدي عندو قدرات تنويمية وملاحظات غير منطقية لا يستهان بها... ولكن على الأقل ما يزيدش يطلعلك السكر يهيجلك التبرية...
والمهم نترشحوا لكأس العالم 2010 انشالله ومن بعد يعمل ربي دليل...

الكمون منين يا دكتور حامد ؟

ممكن ما سمعتوش بالقضية الجديدة إلي هزت عالم الرياضة في تونس ونفضتو...

الحكاية تخص مدافع إسمو خليل شمام يلعب مع الترجي الرياضي تمت مؤخراً دعوتو لتعزيز صفوف المنتخب التونسي في مقابلة بوركينا فاسو... بعد ما رجع ببعض الأيام، جاتو سخانة كبيرة ما عرفوش منين ياخي عملولو التحاليل اللازمة وطلع الطفل مسكين عندو بالوديزم (مالاريا) أو بلغتنا العربية القحة حمى المستنقعات... 

مشكلة كبيرة لأنها الحكاية هذه الكل كان بالإمكان تفاديها بالوقاية إلي ما تتكلف شيء وتخلينا نربحوا صحة وليداتنا الصغار... 

الناس الكل دارت على دكتور الفريق الوطني سي حامد كمون إلي قال حرفياً أنو في عشرة سنوات على رأس الفريق الوطني عمرو ما أعطى حربوشة واحدة وقايةً من هذا المرض وعلل موقفو بتأثيرات هذا الدواء إلي تنجم تقلص من العطاء وتنجم تعطي أعراض أخرى... 

وأيضاً لقلة المدة إلي يعديها الوفد التونسي في تلك البلدان... 

هنا مناش قاعدين نعملوا في محاكمة لفلان وإلا فلتان ولكن كل واحد يتحمل مسؤليتو... 

لأنو عائلة عطات ولدها أمانة لتشريف وجه تونس في محافل دولية ما يجيش منو نرجعوهولهم بين حياة وموت... صحيح مكتوب ربي أما زادة شوية من الله وشوية من عبدالله... وماذا بينا المرة الجاية يرجعولنا اللاعبين متاعنا كلهم لابأس والرياضة تبقى حاجة ثانوية... 

ونطلب اللطف لخليل شمام ونشالله لابأس... 

وما يغيبش على بالك يا خليل خويا إلي كل وجاعة حسيتها وكل سخانة طلعتلك وكل دوخة رهوجتك راهي في سبيل ذلك العلم إلي فيه نجمة وهلال وكلو بأجرو!

La politique des naturalisations

L’équipe de Tunisie n’avait jamais remporté de Coupe d’Afrique des Nations jusqu’au jour où l’on a décidé de naturaliser Sylva Dos Santos. Un attaquant brésilien qui jouait alors à Sochaux et qui a été lancé sous les feux de la rampe par l’Etoile Sportive du Sahel. Et il faut dire, il devait beaucoup à la Tunisie. Pour ne pas faire les choses à moitié, la fédération avait aussi naturalisé son compatriote Clayton qui a été aussi lancé par l’Etoile. On avait remporté la CAN qui s’était déroulé en Tunisie. C’était en 2004. Beaucoup de beaux souvenirs mais toujours des sentiments mitigés quant à la participation de non tunisiens à ce sacre. C’est vrai que Santos avait fini buteur de la CAN à cette époque. Mais est-ce qu’on n’aurait pas pu faire autant sans nos deux hôtes brésiliens ? Porter le drapeau tunisien est un honneur qui ne devrait pas être bradé aussi facilement. On s’en fout de remporter des titres. On veut seulement que nos jeunes et nos moins jeunes mouillent leurs maillots pour que le drapeau rouge flanqué du croissant et de l’étoile flotte le plus haut possible.

Malheureusement, les membres de la FTF ne voient pas les choses sous cet angle là. Ils croient qu’ils dirigent un club et non une équipe nationale. Dés qu’un joueur étranger se démarque ils saisissent aussitôt l’occasion pour le « convaincre » de rejoindre l’EN.

C’est le cas actuellement de Mickael Eneramo, joueur nigérian de 22 ans, impressionnant il faut reconnaître techniquement, joueur de l’EST. Selon RTCI « la FTF serait en train de négocier avec Eneramo une éventuelle naturalisation »

C’est drôle à la longue. « Négocier » ? Même si on se devait de le naturaliser au moins que cela vienne de lui.

Vous savez quoi, je vous laisse l’équipe nationale tunisienne et je m’en vais de suite supporter L’équipe rwandaise, au moins, on peut être sur que sur les 22 appelés, il y a 22 rwandais.