تحية لكل أفراد الشعب الكبير

من أصحاب النصب في سوق بومنديل مروراً بكل من رفض أن يرمي المنديل وصولاً لمن يراجع ليالي تحت ضوء القنديل...

لمن يرفض الإستسلام لواقع ما يفرحش ويمني النفس بأحلام مستحيلة...

يا شعب انتي تونس وانتي النفس وانتي القلب النابض...

تحية في المستوى لمن يلبس الكافية الفلسطينية كرمز من رموز التعاطف مع اخواننا في البر الآخر...

تحية ليكم يا شعب النجمة والهلال، يا من لم يفقده الواقع المر الإبتسامة.

تحية ليك يا شباب يا اللي ما تحيرش! و كي قالولك باش تقرأ في الكلية هذه لازمك السكور العالي ما قعدتش تبكي وحدك على زهرك و مشيت للخارج، خدمت نادل في قهوة باش ما إتعبش داركم في البلاد و خرجت منها كيف الشعرة فوق الزيت...

تحية كبيرة لكل الناس إلي تخلق من الوجيعة ضحكة، ومن الضعف قوة، ومن الهوان عزيمة وتجعل من الدنيا جنة.

تحية لكل من نزح من الريف للعاصمة وعايروه بالتجوبير خاطر لهجتو مغايرة ورغم هذا عمرو ما بدلها.

تحية إكبار لكل من طلب العلم والعلم علق عليه، ما ضاعش وما ضيعش صنعة اليدين.

تحية لهاكل الشاب إلي يعبي القفة برزق حلال ويرسم البسمة على فم والدتو.

العمال عليك يا شباب تونس
ما نقلكش انتي الحل أما أكيد انتي المستقبل...
ما نوصيكش على تونس... أمانة في رقبتك