يوم الوداع

لاك فاهم روحك حزين وإلا فرحان
الفم يضحك والقلب تايه وسرحان
تسأل على الوقت، يطلع موعد الفراق حان
خليت رائحة منتنة وإنتي عز الريحان

من غير يا ليت ومن غير ما تسأل علاش
القدر طايح سومو وتوا مدة ما غلاش
هكة في بلادنا نحكموا عليك في ثانية
نظرة واحدة تكفيهم، يطبعوك والدنيا هانية

من غير ما تخمم علي تعدى وفات
عيش حياتك كيما العادة تو يجي وقتها الوفاة
ما تخليش العالم يبدلك ويأثر فيك
ما تخليش كلام تراكن يغيرك و يلعب بيك

ما فما بلاصة لحسرة وندم
ما فما مكان يسيلولك فيه الدم
قوم واجههم وبابتسامة العادة قوللهم
"سامحتكم"، وانشاالله ربي يغفرلهم