السؤال مطروح: يا سلام وين ناوي تروح ؟

فما نوم غالي ونوم ما حلاش
وفما كأس خالي وجرح ما براش
فما صغار تردمت وتقطع عليها النور
وفما دبابات تقصف في الإحساس مبتور

وين السلام؟ وعلى شكون الملام ؟
هذه حقيقة مرة وإلا خدع أفلام ؟
صاروخ موجه يتبع في غلام،
في يدو هازز حجرة وفي الأخرى الأعلام

دم العربي رخيص في رخص الهندي
روح المسلم ريشة ينفخ فيها جندي
الأمة العربية في القلب مجروحة
والقيم الإنسانية فوق الأرض مطروحة

الخوف ساكن بين الضلوع
والقلب سلم وعاطي الطوع
انشالله ما يكونش قدام الأمل الطريق تسد
وتكون دموع اليوم سلاح الغد