قلم الرصاص الحي

إسمي بوقرنين.

ساعات نضحك والقلب ينين

على شعب داسوا كرامتو سنين،

ولسلبو ونهبو يأتيهم الحنين.

حبوا يقضيو عليه وهو في كرش أمو جنين. 

ندون كي ندوان

وندوان كي شعبي يتألم.

نحكي وما نخافش ضربة مقص وبلسان المجموعة نتكلم.

مرة نقول الصح مرة نزيد فيه ومرة نفلم. 

حكاية بدات ثلاثة سنين لتالي.

قلت نكتب ولا أبالي.

لا يوجد فرق إذا مت هرماً أو بعد اغتيالي.

والمهم نزيد خدمة لعمار البوهالي.

ثلاثة سنين، ساعة حلو ساعة مر.

البلعة ماء زمزم والكمية خمور.

المهم ديما ناشط ولا مكان للخمول.

نكتب ديما في الفجاري وفي

الصباح نقوم مثمول. 

ثلاثة سنين فيهم الرديف، بن قردان وبوزيد الغالية،

حبوا يخمدوا كلام الحق بالدمومات الجارية،

قاملهم شعب ينادي بمعرفة الحقيقة عارية. 

ليوم كيما سنصرني عمار

 أقسم أن أبقى في قلوبكم المرضى مسمار

ومن نشر الدمار لن يحصد أبداً العمار 

Ce texte a été publié le 29 décembre 2010 sur ma page facebook après la censure de ce blog.